ᐃᓄᒃᑎᑐᑦ Inuktitut
ᑐᓴᐅᒪᑎᑦᓯᔾᔪᑎᓕᕆᓂᕐᒥᑦ/ᑐᓴᐅᒪᑎᑦᓯᓂᕐᒥᑦ ᐱᓕᒻᒪᓴᕐᓂᖅ
ᑐᓴᐅᒪᑎᑦᓯᔾᔪᑎᓕᕆᓂᕐᒥᑦ/ᑐᓴᐅᒪᑎᑦᓯᓂᕐᒥᑦ ᐱᓕᒻᒪᓴᕐᓂᖅ
ᓇᓗᓇᐃᕐᓯᒪᑦᓯᐊᕐᓂᖅ, ᓱᓕᑦᓯᐊᕐᓗᓂ ᐊᒻᒪ ᑕᑎᒋᔭᐅᕙᓪᓗᓂ ᐊᑐᖕᖏᖔᕐᓗᓂ ᐅᖃᑦᓯᐊᖏᓐᓂᕐᒥᑦ ᓇᓗᓇᖅᑐᓂ ᐊᒻᒪ ᐅᐃᒻᒪᓇᖅᑐᓂᑦ. ᑕᒪᓐᓇ ᐊᓯᔾᔩᖑᓱᑦᑐᖅ ᐃᓕᓐᓂᒃ ᖃᓄᖅ ᑐᓴᐅᒪᑎᑦᓯᕙᒻᒪᖔᖅᐱᑦ ᑐᓴᐅᒪᑎᑦᓯᔾᔪᑎᓕᕆᓂᒃᑯᑦ ᐊᒻᒪ ᓵᖏᓐᓃᓐᓂᐊᕐᓗᓂ ᑭᒃᑯᑐᐃᓐᓇᑦᓯᐊᑦ ᑐᓴᐅᒪᖁᔭᖏᑕ ᐃᕝᕕᑦ.
ᐃᓕᓐᓂᐊᕈᑎᕗᑦ ᑐᕌᒐᖃᖅᐸᑦᑐᑦ ᑕᐃᒃᑯᓂᖓ ᐱᒻᒪᕆᐅᓂᖏᓐᓂᑦ ᑲᔪᓯᑦᓯᐊᖁᓪᓗᒍ ᑐᓴᐅᒪᔭᐅᖁᔭᓯ. ᐊᑐᖅᐸᖏᑦᑐᒍᑦ ᑕᐃᑦᓱᒥᖓ “ᐱᓕᕆᔾᔪᓯᒍᑦ ᐃᓕᓴᐃᓂᖅ” ᐱᓕᕆᔾᔪᑎᒥᑦ. ᑭᓯᐊᓂᓕ, ᐃᑲᔪᖅᐸᑦᑐᒍᑦ ᐃᓕᑦᓯᓐᓂᑦ ᐊᑲᐅᑦᓯᐊᖁᓪᓗᓯ ᐊᒻᒪ ᐱᕙᓪᓕᐅᑎᒍᓐᓇᕐᓗᓯ ᐃᓱᒪᕙᖏᓪᓗᓯ ᖃᓄᐃᓕᐅᕆᐊᖃᕐᒪᖔᑦᓯ ᐃᕝᕕᑦ ᐱᐅᓯᕆᖏᑕᖓᓂᑦ ᐊᑐᕐᓗᓯ ᐅᕝᕙᓘᓐᓃᑦ “ᐱᓪᓚᕆᖑᐊᖏᓪᓗᓯ”.
ᐃᓗᓕᖏᑦ ᐅᑯᓂᖓ ᐱᖃᓯᐅᔾᔨᓯᒪᔪᑦ:
- ᐅᐃᒪᔮᖏᓐᓂᖅ, ᓴᐃᓕᖓᑦᓯᐊᕐᓂᖅ ᐊᒻᒪ ᓱᓕᔪᓐᓇᕐᓂᖅ;
- ᓱᓇᐅᒻᒪᖔᑕ ᑐᓴᕋᑦᓴᑦ ᐱᕙᓪᓕᐊᔪᑦ ᐊᒻᒪ ᓱᓇᓂᑦ ᐱᕙᓪᓕᐊᔪᓕᕆᔨᐅᔪᑦ ᕿᓂᖅᐸᒻᒪᖔᑕ;
- ᖃᓄᖅ ᑐᓴᕋᑦᓴᑦ ᐱᕙᓪᓕᐊᔪᓕᕆᔩᑦ ᐱᓕᕆᓲᖑᒻᒪᖔᑕ;
- ᐊᑑᑎᒋᔭᖓ ᐅᖃᖅᑎᐅᑉ (ᐱᖃᓯᐅᔾᔨᔪᑦ “ᒪᓕᒐᐃᑦ ᐊᑐᕆᐊᕐᒥ”);
- ᐊᑐᕆᐊᖃᕐᓂᖅ ᐅᖃᐅᓯᕐᒥᑦ ᑐᑭᓯᓇᖅᑐᓂᑦ, ᐱᓗᐊᖅᑐᒥ ᐅᖃᐅᓯᖃᖅᑐᓂ ᓇᓗᓇᖅᑐᓂᑦ ᐅᕝᕙᓘᓐᓃᑦ ᐱᓕᕆᔾᔪᑎᓕᕆᔪᓂᑦ ᓱᓇᑐᐃᓐᓇᕐᓂᒃ;
- ᐃᓗᓕᖏᓐᓂᑦ ᑐᓴᕋᑦᓴᐅᑉ, ᐊᒻᒪ ᖃᓄᖅ ᐅᐸᓗᖓᐃᔭᖅᑕᐅᓲᖑᒻᒪᖔᑕ ᐊᒻᒪ ᑐᓴᐅᒪᔭᐅᓕᖅᑎᓪᓗᒋᑦ ᐱᕙᓪᓕᐅᑎᑦᓯᐊᑐᒃᑯᑦ ᓴᒃᑯᐃᒐᓂ ᓱᓕᓂᕐᒥᑦ ᐊᒻᒪ ᐅᖃᑦᓯᐊᓂᕐᒥᑦ;
- ᐃᓕᑦᑐᕐᓂᖅ ᐊᔾᔨᒌᖏᑦᑐᓂᑦ ᑐᓴᐅᒪᑎᑦᓯᔾᔪᑎᓕᕆᓪᓗᓂ ᐊᒻᒪ ᐊᔾᔨᒌᖏᑦᑐᓂᑦ ᑭᒃᑯᑐᐃᓐᓇᕐᓂᒃ ᑐᓵᑎᑕᐅᓂᐊᖅᑐᓂᑦ;
- ᐱᓕᕆᔾᔪᑎᖃᕐᓂᖅ ᐱᒻᒪᕆᐅᔪᓂᑦ, ᓇᓗᓇᖅᑐᓂᑦ ᐅᕝᕙᓘᓐᓃᑦ ᐊᑦᑕᓇᖅᑐᓂᑦ ᐱᔾᔪᑎᐅᔪᓂᑦ;
- ᐅᐸᓗᖓᐃᔭᐃᓂᖅ ᐊᐱᕐᓱᓂᕐᒥᑦ ᐊᒻᒪ ᖃᓄᐃᑦᑐᓂᑦ ᐊᐱᖅᑯᑎᐅᓂᐊᖅᑐᓂᑦ;
- ᐱᓕᕆᔾᔪᑎᖃᕐᓂᖅ ᓇᓗᓇᖅᑐᓂᑦ, ᐱᔭᕆᐊᑐᔪᓂᑦ ᐅᕝᕙᓘᓐᓃᑦ ᑖᒃᑯᓂᖓᑦᓴᐃᓐᓇᖅ ᐊᐱᖅᑯᑎᓂᑦ, ᐊᒻᒪ ᐊᐱᖅᑯᑎᓂᑦ ᑭᐅᔭᑦᓴᐅᖏᑦᑐᓂᑦ; ᐊᒻᒪ,
- ᐊᐅᓚᑦᓯᓂᖅ ᐱᔭᕆᐊᑐᔪᓂᑦ ᐊᐱᕐᓱᖅᑎᓂᑦ.
ᐊᔅᓱᐋᓗᒃ ᖁᕕᐊᑦᑐᒍᑦ ᐱᒐᔅᓴᐅᑎᑦᑎᓂᑦᑎᓂᒃ ᐱᔭᐅᒍᒪᓗᐊᙳᐋᑦᑐᓂᒃ ᐱᕙᓪᓕᐊᔪᕈᑎᒃᑯᑦ ᐊᒻᒪᓗ ᑐᓴᐅᒪᖃᑎᒌᑦᑎᑦᑎᓂᒃᑯᑦ ᐊᔪᕈᓐᓃᔅᓴᑎᑦᑎᓂᒻᒥᒃ ᐃᓄᑦᑎᑑᖓᔪᒥᒃ.
ᐅᑉᐱᓇᔅᓯᑎᑦᑎᔨᐅᔪᑦ (Trustmakers) (ᕈᔅᑦᐳᐊᑦ ᒪᑲᐃ ᑲᑐᔾᔨᖃᑎᒋᑦ) ᐃᖅᑲᓇᐃᔭᖃᑎᖃᔅᓯᒪᓕᒻᒪᑕ ᐅᑭᐅᑦᑕᑦᑐᒻᒥ ᒐᕙᒪᒃᑯᓐᓂᒃ ᐊᒻᒪᓗ ᑮᓇᐅᔭᓕᐅᕋᓱᐋᙱᑦᑐᓂᒃ ᐃᖅᑲᓇᐃᔭᕕᖁᑎᓂᒃ ᐅᖓᑖᓂ ᒪᕐᕉ ᖁᓖᑦ ᐊᕐᕌᒍᓂ. ᖃᐅᔨᓯᒪᓕᕋᑦᑕ ᖃᓄᑎᒋ ᐱᒻᒪᕆᐋᓗᑎᒋᒻᒪᖔᑕ ᐊᒥᓲᓂᔅᓴᐅᓕᑦᑎᑦᑎᓪᓗᑕ ᐃᓄᓐᓂᒃ ᑭᒡᒐᑦᑐᐃᔪᓂᒃ ᐃᖅᑲᓇᐃᔭᑎᐅᖃᑎᒌᑦᑐᓂᒃ ᐅᑯᓇᓂ ᐃᖅᑲᓇᐃᔭᕕᖁᑎᐅᔪᓂ. ᑐᑭᓯᐋᔪᒍᑦ ᖃᓄᐃᑦᑐᑦ ᐱᒻᒪᕆᐋᓗᐃᑦ ᐃᖅᑲᓇᐃᔭᕆᔭᐅᓂᖏᓐᓂᒃ ᐊᔪᕆᓐᓃᔅᓴᑎᑦᑎᓂᒻᒥ ᐊᒻᒪᓗ ᐊᓯᖏᓐᓂ ᐃᖅᑲᓇᐃᔭᑦᑎᓚᕆᐅᓗᓂᒻᒥ ᐱᕙᓪᓕᐋᑎᑦᑎᓂᐅᔪᓂᒃ ᐱᕕᔅᓴᖃᓕᑦᑎᑦᑎᓂᐅᔪᑦ ᐱᔭᐅᒐᓱᐋᑦᑎᓪᓗᒋᑦ ᐱᒻᒪᕆᐋᓗᐃᑦ ᐱᓕᕆᐊᕆᒍᒪᔭᑦᑎᕗᑦ.
