ᑮᓇᐅᔭᓕᐅᖅᑎᐅᖏᑦᑐᑦ

ᐅᑯᐊ ᐊᐱᖅᑯᑎᐅᒐᔪᑦᑐᑦ ᐊᒻᒪ ᓴᓇᔭᐅᓯᒪᓪᓗᑎᒃ ᑭᓯᐊᓂ ᐃᓕᓐᓂᒃ ᐱᒋᐊᕈᑎᐅᖁᓪᓗᒋᑦ ᐃᓱᒪᑦᓴᕐᓯᐅᑎᓪᓗᑎᑦ ᖃᓄᖅ ᐱᕙᓪᓕᐊᔪᓕᕆᔨᓄᑦ ᐊᐱᕆᔭᐅᒐᔭᕐᒪᖔᖅᐱᑦ.

ᑲᑐᔾᔨᖃᑎᒌᑦ

  • ᖃᓄᐃᓕᐅᖅᐸᒻᒪᑕ ᑲᑐᔾᔨᖃᑎᒌᑦᓯ?
  • ᓱᒻᒪᑦ ᑭᒃᑯᑐᐃᓐᓇᐃᑦ ᑐᓂᕐᕈᑎᖃᕆᐊᖃᖅᐸᑦ ᐅᕝᕙᓘᓐᓃᑦ ᐃᑲᔪᕐᓱᐃᓗᑎᑦ ᐃᕝᕕᑦ ᑲᑐᔾᔨᖃᑎᒌᖓᓐᓂᑦ?
  • ᖃᓄᕐᓕ ᐊᒥᓱᓄᑦ ᐋᓐᓂᐊᓕᕈᑎᐅᔪᔪᖅ ᐊᑦᑐᐃᓯᒪᕙ ᐃᑲᔪᕐᓱᐃᔾᔪᑎᓂᑦ ᐱᕙᓚᐅᖅᑕᖏᓐᓂᑦ ᐃᕝᕕᑦ? ᐅᑎᕐᓯᒪᕙᑦ?
  • ᐊᓯᖏᓐᓂᑦᑕᐅᖅ ᑲᑐᔾᔨᖃᑎᒌᖃᐅᖅᑐᖅ ᐱᓇᓱᐊᕐᕕᖃᖅᑐᓂᑦ ᑮᓇᐅᔭᖃᖅᑎᑦᓯᔨᓂᑦ ᐊᒻᒪ ᐊᑭᓕᕐᓱᖅᑕᐅᒐᑎᒃ ᐃᑲᔪᖅᑎᓂᑦ. ᓱᒻᒪᓪᓕ ᐱᓕᕆᖃᑎᒌᔾᔭᖏᒻᒥᒐᑦᓯ ᑲᑐᔾᔨᖃᑎᒌᓪᓗᓯ?
  • ᓱᓇᒧᑦ ᐊᔾᔨᐅᖏᖃᑕᐅᒐᑦᓯ?
  • ᓈᒻᒪᑦᑐᓂᑦ ᐱᓕᕆᔾᔪᑎᑦᓴᖃᖅᐱᓯ ᐱᔭᕇᕈᑎᑦᓴᐅᔪᓐᓇᖅᑐᓂᑦ ᖃᓄᐃᓕᐅᕈᑎᒋᓇᓱᐊᖅᑕᓯᓐᓄᑦ?

ᐱᓕᕆᔨᒻᒪᕆᓐᓄᑦ ᑲᑐᔾᔨᖃᑎᒌᑦ 

  • ᖃᓄᐃᒻᒪᑦ ᐃᓚᒋᔭᐅᔭᕆᐊᖃᖅᐸᑦ ᐃᓕᑦᓯ ᑲᑐᔾᔨᖃᑎᒌᖏᓐᓄᑦ, ᓱᓇᐅᒻᒪᑕ ᐊᑑᑎᐅᔪᓐᓇᖅᑐᑦ ᐃᓕᑦᓯᓐᓂᑦ?
  • (ᐊᑐᕆᐊᖃᕈᓂ ᑭᓯᐊᓂ) ᐃᓚᒋᔭᐅᔪᑦ ᒪᓕᒐᑎᒍᑦ ᐃᓚᓕᐅᑎᒋᐊᓕᐅᔪᑦ ᑲᑐᔾᔨᖃᑎᒌᑦᓯᓐᓄᑦ. ᖃᓄᐃᒻᒪᑦ ᑕᐃᒪᐃᑉᐸ?
  • ᐅᕙᑦᓯᐊᕈ ᑲᑐᔾᔨᖃᑎᒌᒃᑯᑦ ᑭᓯᐊᓂ ᐊᓯᕈᓘᔭᑦᑎᓐᓂᑦ ᖃᐅᔨᒍᓐᓇᖅᐸᓚᐅᖅᑐᒍᑦ ᐊᒻᒪ ᐱᓕᕆᔨᒻᒪᕆᐅᓂᒃᑯᑦ ᐱᕙᓪᓕᐊᑎᑦᓯᔾᔪᑎᖃᖅᐸᑦᑐᑕ ᑭᓯᐊᓂᓕ ᒫᓐᓇᐅᔪᖅ ᐊᒥᓱᐊᓘᓕᖅᑐᑦ ᐊᑐᖅᑕᐅᔪᓐᓇᖅᑐᑦ ᖃᓄᑐᐃᓐᓇᖅ. ᑕᒪᓐᓇ ᐱᓪᓗᒍ ᖃᓄᐃᓕᐅᕈᑎᖃᕐᓯᒪᓕᖅᐸᑦ ᐃᓚᒋᔭᐅᔪᑦ ᐃᓕᑦᓯᓐᓄᑦ ᐊᒥᓲᓂᖏᒍᑦ?
  • ᐊᓯᖏᓐᓂᑦ ᑲᑐᔾᔨᖃᑎᒌᓂᑦ ᐱᓇᓱᐊᖅᑐᖃᕐᒥᔪᖅ ᑖᒃᑯᓂᖓᑦᓴᐃᓐᓇᖅ ᐃᓚᒋᔭᐅᔪᓄᑦ. ᓱᒻᒪᓪᓕ ᐱᓕᕆᖃᑎᒌᔾᔭᖏᒻᒥᒐᑦᓯ ᑲᑐᔾᔨᖃᑎᒌᓪᓗᓯ?
  • ᓈᒻᒪᑦᑐᓂᑦ ᐱᓕᕆᔾᔪᑎᑦᓴᖃᖅᐱᓯ ᐱᔭᕇᕈᑎᑦᓴᐅᔪᓐᓇᖅᑐᓂᑦ ᖃᓄᐃᓕᐅᕈᑎᒋᓇᓱᐊᖅᑕᓯᓐᓄᑦ?
  • ᖃᑦᓯᓂᑦ ᑮᓇᐅᔭᐃᔭᐅᑎᖃᖅᐸᑉᐱᓯ ᐅᑯᓄᖓ X?
  • ᖃᓄᐃᒻᒪᓪᓕ ᐃᓱᒪᒋᑦᑕᖅᐱᐅᒃ ᓈᒻᒪᓐᓂᖓᓄᑦ?
  • ᖃᓄᕐᓕ ᓇᓗᓇᐃᕐᓯᒪᕙᑉᐱᓯ ᐃᓚᒋᔭᐅᔪᑦ ᐃᓕᑦᓯᓐᓄᑦ ᐱᓕᕆᑦᓯᐊᓕᕋᓗᐊᕐᒪᖔᑕ ᐱᑦᓯᐊᖅᑐᒃᑯᑦ?
  • ᖃᓄᕐᓕ ᓇᓗᓇᐃᕐᓯᒪᕙᑉᐱᓯ ᐃᓚᒋᔭᐅᔪᑦ ᐃᓕᑦᓯᓐᓄᑦ ᐱᓕᕆᑦᓯᐊᖅᐸᒃᑲᓗᐊᕐᒪᖔᑕ ᒪᓕᓪᓗᑎᒃ ᐱᓕᕆᔨᒻᒪᕆᐅᔪᓄᑦ ᐱᔾᔪᓯᐅᔪᓂᑦ?
  • ᖃᓄᕐᓕ ᖃᐅᔨᓴᖅᐸᑉᐱᓯ?
  • ᓱᓇᐅᕙᑦ ᖃᓄᐃᓕᑦᓯᔾᔪᑎᑦᓴᐅᔪᑦ ᐊᑐᑦᓯᐊᖅᑐᖃᓂᖏᑉᐸᑦ?
  • ᐊᑐᖅᑎᑦᓯᓚᐅᕐᓯᒪᕕᓯ ᖃᓄᐃᓕᑦᓯᔾᔪᑎᓂᑦ ᐊᑐᑦᓯᐊᕐᓂᖏᑦᑐᓂᑦ?

ᑮᓇᐅᔭᓂᑦ ᓄᐊᑦᓯᓂᖅ ᐊᒻᒪ ᓵᑕᐅᔪᓐᓇᕐᓂᖅ ᐃᓗᓕᖏᑦ ᐱᓪᓗᒋᑦ

  • ᓈᒻᒪᑦᑐᓂᑦ ᑮᓇᐅᔭᖁᑎᖃᖅᐱᓯ ᑎᑭᒍᑎᑦᓴᓂᑦ ᑐᕌᒐᕆᔭᑦᓯᓐᓂᑦ?
  • ᖃᑦᓯᓂᑦ ᑮᓇᐅᔭᖁᑎᑦᓯᓐᓂᑦ ᑮᓇᐅᔭᐃᔭᐅᑎᖃᖅᐸᑉᐱᓯ ᓂᐅᕐᕈᑎᓕᕆᔾᔪᑎᓄᑦ ᐊᒻᒪ ᑮᓇᐅᔭᓂᑦ ᐱᕈᐃᓇᓱᐊᕈᑎᓄᑦ?
  • ᖃᓄᐃᒻᒪᓪᓕ ᐃᓱᒪᒋᑦᑕᖅᐱᐅᒃ ᓈᒻᒪᓐᓂᖓᓄᑦ?
  • ᐱᖓᔪᐊᓂᑦ ᑮᓇᐅᔭᓂᑦ ᐱᕈᐃᕕᐅᕙᑦᑐᑦ/ᑲᒻᐸᓂᐅᔪᑦ ᐊᖏᔪᑲᓪᓛᓗᓐᓂᑦ ᑮᓇᐅᔭᓂᑦ ᓄᐊᑕᐅᓯᒪᔪᓂᑦ ᑎᒍᓯᕙᑦᑐᑦ. ᐅᖃᐅᓯᕆᕙᑉᐱᓯᐅᒃ ᑕᒪᒃᑯᐊ ᑐᓂᕐᕈᓯᐊᖅᑎᑦᓯᕙᑦᑐᓄᑦ?
  • ᖃᓄᐃᓕᐅᕋᔭᖅᐱᑦ ᑕᐃᒃᑯᓄᖓ ᐊᑭᕋᖅᑑᑎᖃᖅᐸᑦᑐᓂᑦ ᐱᔾᔪᑎᖃᖅᑐᑎᒃ ᓴᓂᓕᐊᕌᓘᕙᑦᑐᓂᑦ ᓴᓂᕐᓂᒃ ᐊᒥᓱᐊᓗᓐᓂᑦ ᑎᑎᖅᑲᓂᐊᕐᕕᒃᑰᑎᑦᓯᓕᕋᐃᒻᒪᑕ ᐊᒻᒪ ᐊᑐᖅᑕᐅᖁᔭᒥᓂᒃ ᐱᔾᔪᑎᖃᖅᑐᑎᒃ?
  • ᐱᑎᑕᐅᕙᑦᑐᓯ ᑐᓂᕐᕈᓯᐊᓂᑦ, ᑮᓇᐅᔭᓂᑦ ᐊᒻᒪ ᐊᖏᔫᑎᑲᓪᓚᓐᓂᒃ ᑖᒃᓰᔭᐃᔭᐅᑎᓂᑦ ᐊᑭᓕᕐᓱᐃᕙᓐᓇᓯ ᐅᑎᖅᑎᑦᓯᕕᐅᕙᑦᑐᓯ. ᖃᓄᕐᓕ ᓇᓗᓇᐃᔭᐃᓂᐊᕋᕕᑦ ᓴᖅᑮᕙᓐᓂᓯᓐᓂᒃ ᓴᖅᑭᖅᑕᐅᓇᓱᐊᖅᐸᑦᑐᓂᑦ?
  • ᖃᓄᑎᒋ ᐊᖏᔪᖅᑳᓯ/ᐊᐅᓚᑦᓯᔨᒻᒪᕆᑦᓯ/ᓯᕗᓕᖅᑎᓯ ᐊᑭᓕᕐᓱᖅᑕᐅᕙᒻᒪᑕ? 
  • ᑕᐃᒃᑯᐊ ᐊᒥᓲᓂᖏᑦ ᐅᕝᕙᓘᓐᓃᑦ ᐅᖃᐅᓯᐅᒍᒪᖏᓐᓂᖏᑦ ᐊᒥᓲᓂᖏᓐᓂᑦ ᓈᒻᒪᑉᐸᑦ ᐃᓱᒪᒋᓪᓗᒋᑦ ᑮᓇᐅᔭᓕᐅᖅᑎᐅᖏᒋᐊᑦᓴᖅ ᓇᓗᓇᐃᔭᐃᑎᖃᖅᑎᓪᓗᓯ?

ᓯᕐᓈᕐᓂᖅ ᐃᑲᔪᕋᓱᐊᕐᓂᖅ

  • ᖃᓄᕐᓕ ᐃᓱᒪᒋᕕᐅᒃ ᐅᓇ ᐱᓪᓗᒍ [ᐅᖃᐅᓯᐅᔪᖅ]?
  • ᖃᓄᕐᓕ ᐊᐱᕐᓱᖅᑕᐅᕙᑦ ᒐᕙᒪᒃᑯᑦ/ᒪᓕᒐᓕᐅᖅᑎᐅᔪᑦ ᖃᓄᐃᓕᐅᕐᓂᐊᕐᒪᖔᑕ ᐅᓇ ᐱᓪᓗᒍ [ᐅᖃᐅᓯᐅᔪᖅ]?
  • ᖃᓄᐃᒻᒪᓪᓕ ᐃᓱᒪᒋᔭᖃᑦᑕᖅᐱᑦ [ᐊᓯᑎᑦ] ᐊᔾᔨᒋᑕᖓᓐᓂᑦ ᐃᓱᒪᒋᔭᖃᖅᐸᑦ ᐅᕝᕙᓘᓐᓃᑦ ᐃᓕᓐᓂᒃ ᐊᖏᖃᑎᖃᖏᓚᑦ?
  • ᖃᓄᕐᓕ ᐃᓚᒋᕙᑦᑕᑎᑦ ᐃᓱᒪᒋᔭᖃᖅᐸᑦ ᐅᓇ ᐱᓪᓗᒍ [ᐅᖃᐅᓯᐅᔪᖅ]?
  • ᖃᓄᐃᓕᒐᔭᖅᐱᑦ ᐃᓚᒋᔭᐅᔪᓄᑦ ᐊᖏᖃᑎᖃᖏᑦᑐᓄᑦ ᐃᕝᕕᑦ ᑲᑐᔾᔨᖃᑎᒌᖏᑕ ᖃᓄᐃᓕᖓᓂᖓᓂᑦ ᐅᓇ ᐱᓪᓗᒍ [ᐅᖃᐅᓯᐅᔪᖅ]?
  • ᖃᓄᐃᒻᒪᑦ ᑕᐃᒃᑯᐊ ᐃᓕᓐᓂᒃ ᐊᖏᖃᑎᖃᖅᐸᖏᑦᑐᑦ ᐃᓕᓐᓂᑦ ᑕᒻᒪᖅᐸᑦ ᐃᕝᕕᑦ ᑕᑯᓐᓇᖅᑕᖓᒍᑦ?

ᐱᔾᔪᑎᐅᔪᒥᑦ ᐊᐅᓚᑦᓯᓂᖅ/ᐊᑦᓱᕉᓴᓂᕐᒥᑦ ᑐᓴᐅᒪᐅᑎᓕᕆᓂᖅ

  • ᖃᓄᐃᓕᓯᑲᓪᓚᓐᓂᕐᖓᑕ ᐱᓪᓗᒍ [ᐱᔾᔪᑎᐅᔪᖅ] ᑲᑐᔾᔨᖃᑎᒌᑦᓯᓐᓂ?
  • ᖃᓄᕐᓕ ᑕᒪᓐᓇ ᐊᑐᖅᑕᐅᔪᓐᓇᕐᓯᑕᓐᓂᕆᕙ?
  • ᖃᓄᐃᓕᐅᓂᐊᓕᖅᑭᕐᓕ ᓇᓗᓇᐃᕐᓯᒪᒍᒪᓗᑎᑦ ᓴᖅᑭᑲᓐᓂᖁᓇᒍ?
  • ᖃᓄᐃᓕᐅᓂᐊᕋᕕᑦ ᐋᖅᑭᓱᕐᓗᒍ?
  • ᖃᓄᐃᓕᐅᕐᓂᐊᕋᕕᑦ ᑕᐃᒃᑯᓄᖓ ᐊᑦᑐᖅᑕᐅᓂᐊᖅᑐᓄᑦ ᑕᒪᓐᓇ ᐱᔾᔪᑎᒋᓪᓗᒍ?
  • ᖃᓄᕐᓕ ᑭᐅᔾᔪᑎᖃᖅᐸᑉᐱᑦ ᓄᖅᑲᕐᓂᕆᓚᐅᖅᑕᓐᓂᒃ ᐊᒻᒪ ᑕᐃᑦᓱᒧᖓ ᑲᑐᔾᔨᖃᑎᒌᖑᔪᑦ ᐊᖏᔪᖅᑳᖓᓐᓂᑦ?

ᑐᓴᕋᑦᓴᑦ

  • ᓱᒻᒪᑦ ᐅᓇ ᑐᓴᕋᑦᓴᓕᐊᕆᖅᑲᐅᕕᐅᒃ?
  • ᓱᒻᒪᑦ ᒫᓐᓇᒃᑯᑦ?
  • ᓱᓇᒧᑦ ᐊᓯᔾᔨᐅᑎᖃᓕᕐᓂᕐᒪᑦ?
  • ᓱᒻᒪᑦ ᑕᒪᑦᓱᒥᖓ ᖃᓄᐃᓕᐅᕈᑎᖃᕈᒪᓕᓚᐅᖅᐱᑦ ᑖᓐᓇ ᐱᓪᓗᒍ ᐅᕝᕙᓘᓐᓃᑦ ᖃᓄᐃᓕᐅᕈᑎᐅᔫᑉ?
  • ᐃᓱᒪᒋᕕᐅᒃ ᑐᕌᒐᕆᔭᐃᑦ ᐱᓪᓚᕆᐅᒋᐊᖓ?
  • ᖃᓄᐃᓕᖓᓛᖅᐱᓪᓕ ᑎᑭᒍᓐᓇᖏᒃᑯᕕᐅᒃ?
  • ᖃᓄᕐᓕ ᑮᓇᐅᔭᖃᖅᑎᓐᓂᐊᕋᑦᓯᐅᒃ ᑕᒪᓐᓇ ᐱᒋᐊᖅᑎᑕᐅᔪᖅ?
  • ᑮᓇᐅᔭᐃᑦ ᑮᓇᐅᔭᐃᔭᕈᑎᒋᓂᐊᖅᑕᓯ ᐊᑲᐅᓂᕐᓴᐅᒐᔭᖏᒻᒪᑕ ᑮᓇᐅᔭᐃᔭᐅᑎᐅᒍᑎᒃ ᐅᕗᖓ X?
Last modified: Friday, 1 November 2024, 6:31 PM