ᖃᓄᖅ ᐃᖕᒥᓂᒃ ᐃᖃᐃᓕᓴᕐᕕᑦᓴᐅᕙ

ᐃᖃᐃᓕᓴᕐᓂᖅ ᐊᑐᖅᑐᒻᒪᕆᐅᔪᖅ ᐅᐸᓗᖓᐃᔭᐃᓂᕐᒥᑦ ᑐᓴᐅᒪᑎᑦᓯᔨᒧᑦ ᐊᐱᕐᓱᖅᑕᐅᓂᐊᕐᓂᕐᒥᑦ ᐅᕝᕙᓘᓐᓃᑦ ᐊᓯᐊᓄᑦ ᑐᓴᐅᒪᐅᑎᓕᕆᔾᔪᑎᑦᓴᒧᑦ.

ᐱᓕᕆᔾᔪᑎ 1: ᓂᕆᐊᒋᔭᖃᕐᓂᖅ ᐊᐱᖅᑯᑎᓂᑦ

ᐅᐸᓗᖓᐃᔭᐅᑎᑦᓴᑦ ᐃᖃᐃᓕᓴᐅᑎᓐᓄᑦ, ᐃᖏᖃᑎᖃᕐᓗᑎᑦ ᐱᓕᕆᖃᑎᓐᓂᑦ ᑐᓴᐅᒪᐅᑎᓕᕆᕝᕕᐅᑉ ᐱᓕᕆᕝᕕᖓᓐᓂᑦ, ᐊᓯᐊᓃᑦᑐᒥᑦ ᑲᑐᔾᔨᖃᑎᒌᑦᓯ, ᐅᕝᕙᓘᓐᓃᑦ ᐱᖃᓐᓂᕆᔭᓐᓂᒃ ᐅᕝᕙᓘᓐᓃᑦ ᐃᓚᒋᔭᓐᓂᒃ ᐊᒻᒪ ᐅᐸᓗᖓᐃᔭᐃᓗᑎᑦ ᐊᐱᖅᑯᑎᒋᓂᐊᖅᑕᓐᓂᒃ. ᑕᒪᒃᑯᐊ ᐊᐱᖅᑯᑎᐅᒐᔭᖅᑐᑦ ᐱᕙᓪᓕᐊᔪᓕᕆᔨᓄᑦ ᐃᓕᓐᓂᒃ ᐊᐱᕆᒐᔭᖅᑐᑦᓴᐅᔪᑦ ᐊᐱᕐᓱᖅᑕᐅᑎᓪᓗᑎᑦ.

ᐳᐃᒍᔾᔭᐃᕐᓯᒪᕙᓪᓗᑎᑦ ᐱᔭᕆᐊᑭᑦᑐᓂᑦ ᐊᐱᖅᑯᑎᖃᕆᐊᑦᓴᖅ ᐊᒻᒪᑦᑕᐅᖅ ᐱᔭᕆᐊᑐᔪᓂᑦ, ᐱᒡᒐᓇᖅᑐᓂᑦ ᑭᐅᔭᕆᐊᖏᓐᓂ ᐊᐱᖅᑯᑎᓂᑦ. ᐱᔭᕆᐊᑭᑦᑐᑦ ᐊᐱᖅᑯᑎᐅᔪᑦ ᐃᓕᓐᓂᒃ ᐅᐃᒻᒪᐃᔪᓐᓇᖅᑐᑦ ᐃᑉᐱᒍᓱᑦᓯᐊᖏᒃᑯᕕᑦ.

• ᐃᓱᒪᑦᓴᕐᓯᐅᕈᑎᒋᔪᒪᑐᐃᓐᓇᕆᐊᓕᑦᑎᑦ ᐅᑯᐊ ᓇᓗᓇᐃᔭᕐᓯᒪᔪᑦ ᐃᓱᒪᑎᓪᓗᑎᑦ ᐊᐱᖅᑯᑎᐅᔪᓂᑦ:
• ᖃᐅᔨᒪᒋᐊᓖᑦ (ᑭᓇ, ᓱᓇ, ᓇᒥ, ᖃᖓ, ᖃᓄᖅ)
• ᐱᕙᓪᓕᐊᔪᑦ, ᓱᓇᑦ ᓄᑖᖑᕙᑦ? (ᐱᔭᑦᓴᓕᐅᕈᑎᐅᔪᑦ, ᖃᓄᐃᓕᐅᕈᑎᐅᔪᑦ, ᐱᔾᔪᑎᐅᔪᑦ)
• ᖃᑦᓯᓂᒃ? (ᑮᓇᐅᔭᖅ, ᓵᑕᐅᔪᓐᓇᕐᓂᖅ)
• ᖃᖓᒃᑯᑦ ᓴᖅᑭᕐᓂᖓ (ᖃᓄᐃᒻᒪᑦ ᒫᓐᓇ? ᖃᓄᐃᒻᒪᑦ ᐊᑯᓂᐅᓂᖅᐸᑦ? ᑕᐃᒪ ᓱᓇ?)
• ᖃᓄᐃᓕᐅᕐᓂᐊᖁᔨᓂᖅ, ᐃᓱᒪᒃᑯᑦ ᐅᓐᓂᕐᓘᑎᖃᕐᓂᖅ (ᖃᓄᐃᓕᐅᕋᔭᕋᕕᑦ ᑕᐃᒃᑯᓄᖓ ᐊᑦᑐᖅᑕᐅᔪᓄᑦ?)
• ᐊᑲᐅᖏᓕᐅᕈᑎ (ᐅᖃᖅᑕᐃᑦ/ᑕᐃᒃᑯᐊ ᐅᖃᖅᑕᖓᑦ, ᕿᒧᑦᓯᐅᑎᑦ ᓱᒃᑲᓕᓂᑭᓴᐅᑎᔪᑦ)
• ᐱᔭᕆᐊᑭᑦᑐᑦ ᐃᑭᐊᖅᑭᕖᑦ ᐊᓯᖏᓐᓄᑦ ᐱᔾᔪᑎᐅᔪᓄᑦ ᑐᓴᐅᒪᐅᑎᓕᕆᔨᓃᑦᑐᓂᑦ (ᑐᕌᖓᖏᒃᑲᓗᐊᕈᑎᒃ ᐊᑦᑐᐊᓂᒃᑯᑦ)
• ᐊᑦᑐᐊᖏᑦᑐᑦ ᓱᓇᑐᐃᓐᓇᐃᑦ (ᓴᐅᒥᒻᒦᖔᖅᑐᑦ ᐅᕝᕙᓘᓐᓃᑦ ᓴᖅᑭᑲᓪᓚᑦᑐᑦ ᐱᑕᖃᖏᑦᑐᒥᑦ)

ᐱᓕᕆᔾᔪᑎ 2: ᐃᖃᐃᓕᓴᐅᑎ ᐊᐱᕐᓱᓂᕐᒥᑦ

 ᐊᐱᕆᓗᑎᒃ ᑭᓇᑐᐃᓐᓇᕐᒥᑦ ᐃᖃᐃᓕᓴᐅᑎᒥᑦ ᐊᐱᕐᓱᓂᕐᒥᑦ ᐱᓕᕆᖃᑎᒋᔪᓐᓇᑕᓐᓂᒃ ᐃᓕᓐᓂᒃ ᐊᐱᕆᕙᓪᓗᑎᒃ ᐊᑐᓂ ᐊᐱᖅᑯᑎᐅᔪᓂᑦ ᐅᐸᓗᖓᐃᔭᕐᓯᒪᔭᓐᓂᒃ. ᓇᓂᓯᔪᓐᓇᖏᒃᑯᕕᑦ ᑭᓇᑐᐃᓐᓇᕐᒥᑦ, ᐃᓕᓐᓄᑦ ᐊᐱᕆᖃᑦᑕᕈᓐᓇᕐᒥᔭᑎᑦ.

 ᓂᐱᓕᐅᕐᓗᒍ ᐊᐱᕐᓱᕐᓂᕆᔭᐃᑦ ᐊᒻᒪ ᑐᓵᕙᓪᓗᒋᑦ ᑭᐅᔾᔪᑎᐅᔪᑦ ᐊᑐᓂ.

ᐃᓱᒪᑦᓴᕐᓯᐅᕈᑎᒋᓗᒋᑦ ᐅᑯᐊ:

• ᓇᓗᓇᐃᕐᓯᒪᑦᓯᐊᖅᐱᑦ ᐊᒻᒪ ᓱᓕᕙᑦᑐᑎᑦ?
• ᐊᑲᐅᓂᕐᓴᖅᑕᖃᖅᑐᑦᓴᐅᔪᖅ ᐊᓯᐊᒍᑦ ᐊᐱᖅᑯᑎᒋᓗᒍ ᐊᐱᖅᑯᑎᐅᔪᖅ?
• ᐊᖅᑯᑎᓐᓂᑦ ᓴᖑᓚᐅᖏᒃᑲᓗᐊᖅᑭᑦ?
• ᐊᑐᖅᑕᐃᓐᓇᕆᕕᒋᑦ ᐱᖓᓱᐃᑦ ᐃᓚᒌᑦᑐᑦ ᐅᑯᓇᓂ 1-2-3 ᒪᓕᒐᐅᑉ ᐊᐱᕆᔭᐅᑎᓪᓗᑎᑦ ᓱᓇᑐᐃᓐᓇᕐᒥᑦ ᑭᐅᔪᓐᓇᖏᑕᓐᓂᒃ (ᐅᖃᕐᓗᑎᑦ ᑭᐅᔪᓐᓇᖏᓐᓇᕕᐅᒃ, ᓱᒻᒪᑦ ᑭᐅᔪᓐᓇᖏᒻᒪᖔᖅᐱᐅᒃ, ᑐᓴᕋᑦᓴᒥᑦ ᑐᓴᖅᑎᑦᓯᓗᑎᑦ)?
• ᐊᑐᕋᓗᐊᖅᐲᑦ ᓇᓗᓇᖏᑦᑐᒥᑦ ᐅᖃᐅᓯᕐᒥᑦ ᐅᕝᕙᓘᓐᓃᑦ ᐅᖃᐅᓯᖃᖅᑲᐅᕕᑦ ᓇᓗᓇᖅᑐᓂᑦ, ᐅᖃᐅᓯᕐᓂᒃ ᑐᑭᓯᒐᑦᓴᐅᖏᑦᑐᓂᑦ ᐅᕝᕙᓘᓐᓃᑦ ᐱᓕᕆᔾᔪᑎᓕᕆᔪᓂᑦ ᑭᐅᔾᔪᑎᓐᓂ?
• ᐱᖃᓯᐅᔾᔨᖅᑲᐅᒐᓗᐊᖅᑮᑦ ᐃᓚᖓᓂ ᑐᓴᕋᑦᓴᓐᓂᑦ ᑭᐅᔾᔪᑎᓐᓄᑦ (ᖃᓄᐃᓕᐅᕈᑎᖓ, ᐱᔾᔪᑎᖓ, ᐊᓯᒥᑦ ᐃᑉᐱᒍᓱᓐᓂᕐᒥᑦ)?
• ᑐᕌᖓᓪᓗᐊᖅᑐᒍ ᐊᐱᖅᑯᑎ ᑭᐅᖅᑲᐅᒐᓗᐊᖅᑭᑦ ᐅᕝᕙᓘᓐᓃᑦ ᓇᓗᓇᐃᔭᐃᖅᑲᐅᕕᑦ ᖃᓄᐃᒻᒪᑦ ᑭᐅᔪᓐᓇᖏᒻᒪᖔᖅᐱᐅᒃ?
• ᐅᖃᑦᓯᐊᖅᑲᐅᖏᓚᑎᑦ ᐅᕝᕙᓘᓐᓃᑦ ᐅᖃᑦᓯᐊᖅᑲᐅᖏᓚᑎᑦ ᐊᒻᒪ ᐃᓕᓐᓄᐃᓈᖅᑲᐅᕕᑦ?
• ᐃᓱᒫᓘᑎᐅᔪᑦ ᐊᒻᒪ ᐱᔾᔪᑎᐅᔪᑦ ᐊᓯᓐᓄᑦ ᓯᕗᓪᓕᐅᑎᖅᑲᐅᒐᓗᐊᖅᑭᒋᑦ ᐅᕝᕙᓘᓐᓃᑦ ᑕᐃᒃᑯᐊ ᑲᑐᔾᔨᖃᑎᒌᓐᓅᖓᔪᑦ?
• ᓄᖅᑲᑲᐃᓐᓇᐸᖅᑲᐅᒐᓗᐊᖅᑭᑦ ᑭᐅᓚᐅᖏᓂᕐᓂ ᐅᕝᕙᓘᓐᓃᑦ ᐊᐱᖅᑯᑎᐅᑉ ᑭᖑᓪᓕᖅᐹᖓᓅᑦᓴᐅᑎᒋᖅᑲᐅᕕᑦ?
• ᐅᐃᒪᔮᖏᓪᓗᑎᑦ! ᖃᐅᔨᕙᓐᓂᐊᖅᑐᑎᑦ ᓱᓇᑐᐃᓐᓇᕐᓂᑦ ᐃᓕᓐᓅᖓᔪᓂᑦ ᐊᓯᓐᓄᑦ ᖃᐅᔨᔭᐅᓗᐊᖅᐸᖏᑦᑐᓂᑦ. ᐅᕝᕙᓘᓐᓃᑦ ᖃᐅᔨᒐᓗᐊᕈᑎᒃ, ᖃᓄᐃᑦᓴᓗᐊᖏᑦᑐᑦ. ᖃᐅᔨᒍᕕᑦ ᐋᒻᓚᑎᓪᓗᑎᑦ, ᐋᓚᓪᓗᑎᑦ, ᐃᔩᒃᑭᒃ, ᐊᓗᑉᐸᑦᑐᒋᒃ ᖃᓂᖅᐱᑦ ᓯᓂᖏᒃ, ᓱᑲᓗᐊᓕᖅᑐᑎᑦ ᐅᖃᓕᒪᓪᓗᑎᑦ, ᓱᒃᑲᐃᓗᐊᓕᖅᑐᑎᓪᓘᓐᓃᑦ ᐅᕝᕙᓘᓐᓃᑦ ᐊᓯᖏᓐᓂᑦ ᐃᒻᒥᒨᖓᔪᓂᑦ ᑐᑭᖃᖏᑦᑐᓂᑦ, ᐊᐱᕆᓗᑎᑦ ᐃᓕᓐᓂᒃ ᐅᕝᕙᓘᓐᓃᑦ ᐊᓯᓐᓂᒃ, ᐊᑐᖅᑐᒋᑦ, ᐊᕝᕕᕋᓕᕐᒪᖔᑕ ᑐᓴᐅᒪᔭᐅᖁᔭᕐᓂᑦ. ᐊᑐᖕᖏᓯᐊᒻᒪᕆᒃᑯᕕᐅᒃ ᑐᓴᐅᒪᑎᓇᓱᐊᖅᑕᑎᑦ ᐃᓕᓐᓂᒃ ᑐᑭᓯᐊᓂᕐᓴᐅᒐᔭᖅᑐᕆᕕᒋᑦ? ᑭᐅᔾᔪᑎᐅᕙᑦᑐᖅ ᐃᓘᓐᓇᐸᓗᖏᓐᓄᑦ ᑭᒃᑯᑐᐃᓐᓇᕐᓄᑦ ᐅᓇ, ᐋᒡᒐ, ᓱᕐᕋᒐᔭᖏᑦᑐᖅ.
• ᑐᕌᒐᕆᕙᓪᓗᒍ ᑐᑭᓕᐅᕈᑎᖓ ᐱᕙᓪᓕᐅᑎᑦᓯᐊᖅᑐᒧᑦ ᐅᖃᖅᑎᒧᑦ. ᐅᑯᐊ ᐱᖓᓱᐃᑦ (3) ᐊᑐᖅᑐᒻᒪᕆᐅᔪᑦ ᑲᔪᓯᑦᓯᐊᕈᑎᑦᓴᑎᑦ (ᓇᓗᓇᖏᑦᑐᖅ ᐅᖃᐅᓯᖅ, ᑐᓴᕋᑦᓴᐃᑦ, ᑐᕌᓪᓗᐊᕐᓗᒍ ᐊᐱᖅᑯᑎ ᑭᐅᕙᓪᓗᒍ).