ᑎᑎᕋᖅᓯᒪᔪᑦ - ᐊᐅᓚᔪᖅ ᐊᔾᔨᓕᐅᒐᖅ: ᐃᓱᒪᒃ ᐊᒻᒪ ᑎᒥ (transcript)

ᐅᖃᖅᑎᐅᔪᑦ ᓱᕋᐃᒐᔪᑦᑐᑦ ᑐᓴᕋᑦᓴᓕᕆᔪᓂᑦ ᐊᐱᕐᓱᕐᓂᐅᔪᓂᑦ. ᐅᐱᓐᓇᕋᓂ ᑐᕌᒐᕆᔭᐅᔪᑎᑦ ᐃᑉᐱᒋᔭᐅᓗᑎᑦ, ᐃᓱᒪᒍᓐᓇᖅᑐᑎᑦ ᑭᓇᐅᓂᕆᔭᐃᑦ ᐅᓗᕆᐊᓇᖅᑐᒦᒋᐊᖓ. ᐃᓱᒪᒍᓐᓇᖅᑐᑎᑦ ᐊᐱᕐᓱᕐᓂᐅᔪᖅ ᑲᔪᓯᑦᓯᐊᖏᑉᐸᑦ ᓄᓇᕐᔪᐊᖁᑎᒋᔭᐃᑦ ᐊᑐᖅᐸᑦᑕᐃᑦ ᓱᕋᑦᑕᐅᓂᐊᕆᐊᖓ. ᐃᓚᖏᓐᓄᑦ ᑭᒃᑯᑐᐃᓐᓇᕐᓄᑦ ᐊᐱᕐᓱᖅᑕᐅᔪᓄᑦ, ᑕᒪᓐᓇ ᑐᕌᒐᐅᖏᓯᐊᖅᑐᖅ. ᑭᓯᐊᓂ ᓱᓇᐅᓂᖓᓂᑦ ᐱᔾᔪᑎᒋᓪᓗᒍ ᑕᐃᒪᐃᑦᑑᔮᖅᑐᖅ.

ᐊᒥᓱᐊᓘᖏᑦᑑᒐᓗᐊᑦ ᑭᓯᐊᓂ ᐱᑕᖃᒐᓛᑦᑐᖅ ᐊᐅᓚᑦᓯᔾᔪᑎᒋᔪᓐᓇᕋᔭᖅᑕᖏᓐᓂᑦ ᐃᕝᕕᑦ ᐊᐱᕐᓱᖅᑕᐅᓂᕐᓂ ᑕᒪᒃᑯᐊ ᐃᑉᐱᒋᔭᑎᑦ ᓵᓚᖃᖅᑎᑦᑕᐃᓕᒪᓗᒋᑦ ᐃᓕᓐᓂᒃ ᐊᒻᒪ ᓴᖑᑎᑕᐅᓕᕐᓗᑎᑦ ᐃᑉᐱᒋᔭᕆᐊᓕᓐᓂᑦ ᐱᖓᓲᔪᓂᑦ ᐅᕙᒍᑦ ᑐᑭᓕᐅᕆᔾᔪᑎᒋᓯᒪᔭᖏᓐᓂᑦ ᐱᕙᓪᓕᐅᑎᑦᓯᐊᕐᓂᐊᕐᓗᓂ ᐅᖃᖅᑎᐅᓂᒃᑯᑦ.

ᓯᕗᓪᓕᖅ ᑐᕌᒐᕆᔭᐃᑦ ᑎᒥᒃᑯᑦ ᐅᖃᐅᓯᒃᑯᑦ ᐊᒻᒪ ᐃᓱᒪᓂᕆᕙᑦᑕᖏᑦ ᐱᕙᓪᓕᐊᔪᓕᕆᔨᐅᔪᑦ ᑐᓴᕋᑦᓴᓂᑦ ᖃᐅᑕᒫᕈᔪᒃ ᐱᓪᓚᕆᖕᖑᐊᕐᓗᓂ ᐱᓕᕆᒋᐊᖃᕐᓂᐅᔪᖅ.

ᐅᖃᐅᓯᖅᑕᖃᕐᒪᑦ ᐅᖃᐅᓯᖕᖑᐊᑐᐃᓐᓇᕐᒥᒃ ᐊᕐᕌᒍᒐᓵᓗᓐᓂᑦ ᐅᖃᐅᓯᐅᕙᑦᑐᒥᑦ ᐃᒪᐃᓕᐅᖅᑐᒥᑦ “93%-ᐳᓴᖏᑦ ᑐᓴᐅᒪᑎᑦᓯᔾᔪᑎᖏᑕ ᐅᖃᐅᓯᒃᑯᑦ ᐱᓯᒪᕙᖏᑦᑐᑦ”. ᑕᒪᓐᓇ ᐃᓱᒪᓕᐅᕆᔪᖅ ᑎᒥᒃᑯᑦ ᐅᖃᐅᓯᕆᕙᑦᑕᑎᑦ ᐊᒻᒪ ᓂᐱᕕᑦ ᖃᓄᐃᒍᓯᖓ ᐊᑐᓕᖅᑎᑦᓯᕙᑦᑐᑦ ᐃᓘᓐᓇᐸᓗᖏᓐᓂ ᑐᓴᐅᒪᑎᑦᓯᔾᔪᑎᖏᓐᓂ ᐃᕝᕕᑦ.

ᑕᒪᓐᓇ ᓱᓕᖏᓯᐊᖅᑐᖅ ᐊᒻᒪ ᓇᓗᓇᐃᔭᐃᑎᖃᖅᑐᖅ ᐅᕙᓂ ᐅᖃᓕᒫᒐᕐᒥ ᐃᓕᓐᓂᐊᕈᑎᒥ ᐃᑲᔪᕐᓱᐃᔾᔪᑎᑦᓴᒥᑦ ᐆᕕᖓ ᐅᖃᐅᓯᐅᔪᒥᑦ.

ᖃᐅᔨᓴᖅᑕᐅᓯᒪᓂᖏᒍᑦ ᐊᕙᑎᐊ ᑐᓴᐅᒪᐅᑎᓕᕆᔾᔪᑎᐅᔪᑦ ᑕᑯᑦᓴᐅᑎᑦᓯᓯᒪᔪᑦ ᑎᒥᒃᑯᑦ ᐅᖃᐅᓯᑎᑦ ᐊᒻᒪ ᓂᐱᕕᑦ ᖃᓄᐃᒍᓯᖓᒍᑦ ᐊᑭᕋᖅᑑᑎᖃᖅᑐᑦ ᐃᓗᓕᖏᓐᓂᑦ ᑐᓴᕋᑦᓴᕆᔭᕕᑦ, ᑕᐃᒪ ᑎᒥᕕᑦ ᐅᖃᐅᓯᖓ ᐊᒻᒪ ᓂᐱᕕᑦ ᖃᓄᐃᒍᓯᖓ ᐃᓱᒪᒋᔭᐅᔪᓐᓇᖅᑐᑦ ᓱᓕᖔᕐᓂᖏᓐᓂᑦ.

ᑕᒪᓐᓇ ᑕᑯᔭᐅᔪᓐᓇᖅᑐᖅ ᐅᕙᓂ ᓇᓗᓇᐃᔭᐃᑎᒥ. ᐅᓇ ᐅᖃᖅᑐᖅ ᓂᖕᖓᐅᒪᖏᓐᓇᒥ, ᑭᓯᐊᓂ ᑎᒥᐊᑕ ᐅᖃᐅᓯᖏᑦ ᐊᒻᒪ ᓂᐱᖓᑕ ᖃᓄᐃᒍᓯᖓᒍᑦ ᐅᖃᖅᑐᑦ ᓂᖕᖓᐅᒪᒐᒥᒃ. ᑐᓴᖅᑎᑕᐅᓇᓱᐊᖅᑐᑦ ᐃᓱᒪᓕᕋᔭᖅᑐᑦ ᑖᓐᓇ ᓂᖕᖓᐅᒪᓂᖓᓂᑦ, ᖃᓄᖅ ᐅᖃᐅᓯᖃᕋᓗᐊᕈᑎᒃ.

ᑎᒍᔭᐅᔪᓐᓇᖅᑐᖅ ᐅᑯᓂᖓᓕᒫᖅ ᐱᔭᕆᐊᑭᑦᑐᑯᓗᒃ – ᐊᔾᔨᒌᖏᑦᑐᓂᑦ ᓇᓗᓇᐃᔭᐃᑎᓂᑦ ᐊᑐᖅᐸᖏᓪᓗᑎᑦ ᐅᖃᐅᓯᕆᖏᑕᑎᑦ ᑕᑯᑦᓴᐅᔪᑦ ᐊᑭᕋᖅᑐᑐᒻᒪᕆᐅᒻᒪᑕ ᐃᕝᕕᑦ ᐅᖃᐅᓯᕆᔭᖏᓐᓂᑦ. ᑭᓯᐊᓂ, ᐱᔭᕆᐊᑐᔪᕈᓘᔪᖅ ᑕᒪᒃᑯᓂᖓ ᐊᔾᔨᒌᖏᑦᑐᓂᑦ ᓇᓗᓇᐃᔭᐃᔭᕆᐊᑦᓴᖅ, ᐊᓱᐃᓪᓛᒃ ᑕᒪᒃᑯᓂᖓ ᐊᑐᖅᑐᑦᓴᐅᖏᓚᑎᑦ.

ᐊᓯᐊ ᑎᒍᔭᐅᔪᓐᓇᖅᑐᖅ ᐅᖃᐅᓯᐅᖏᑦᑐᑦ ᓇᓗᓇᐃᔭᐃᑎᐅᔪᑦ ᐃᓱᒪᒋᔭᐅᒐᔪᒻᒪᑕ ᐱᒻᒪᕆᐅᓂᕐᓴᐅᓂᖏᓐᓂᑦ ᐱᒻᒪᕆᐅᓂᕐᓴᐅᑎᓐᓇᒋᑦ. ᐄᓗᐊᕌᓗᒃ, ᐱᕙᓪᓕᐊᔪᓂᑦ ᐅᓂᒃᑳᖃᖅᑐᖃᖅᑎᓪᓗᒍ ᕿᓚᒥᓪᓚᕆᐊᓗᒃ ᓴᖅᑭᕋᔭᖅᑐᑎᓪᓗ, ᐅᖃᐅᓯᐅᖏᑦᑐᑦ ᓇᓗᓇᐃᔭᐃᑎᐅᔪᑦ ᐊᑦᑐᐃᔾᔪᑎᖃᔾᔮᖏᓯᐊᖅᑐᑦ ᖃᓄᑐᐃᓐᓇᖅ.

ᐊᑐᓕᑦᑕᐃᓕᒍᒃ ᐃᓱᒪᓕᐅᕆᔾᔪᑎᐅᔪᖅ ᐅᖃᓕᒪᒋᐊᖃᕆᐊᑦᓴᕕᑦ, ᑐᖅᑐᕋᕆᐊᖃᕆᐊᑦᓴᕕᑦ ᐅᕝᕙᓘᓐᓃᑦ ᐊᐅᓚᒋᐊᖃᕆᐊᑦᓴᕕᑦ ᐃᓕᓐᓂᒃ ᐱᖕᖑᐊᑐᐃᓐᓇᕐᓗᑎᑦ. ᓇᓗᓇᐃᕐᓯᒪᑦᓯᐊᕐᓂᖅ ᐊᒻᒪ ᐃᕝᕕᐅᑐᐃᓐᓇᕈᕕᑦ ᐱᖕᖑᐊᖏᓪᓗᑎᑦ ᑕᑯᔭᑑᓂᐊᖅᑐᖅ ᐃᓘᓐᓇᖏᓐᓂᑦ.

ᐅᑯᐊ ᐊᑐᖃᑦᑕᕈᕕᒋᑦ “ᐋᒻ” ᐅᕝᕙᓘᓐᓃᑦ “ᐋ”, ᐅᖃᓕᒪᓕᕈᕕᑦ ᓱᒃᑲᓕᓗᐊᓕᖅᑐᑎᑦ ᓱᒃᑲᐃᓗᐊᓕᖅᑐᑎᓪᓘᓐᓃᑦ, ᑐᖅᑐᕋᓗᐊᓕᕈᕕᑦ ᐊᒡᒐᓐᓄᑦ, ᖃᓪᓗᑐᕐᓗᑎᑦ, ᑲᑎᑎᓪᓗᒋᒃ ᖃᓂᖅᐱᑦ ᓯᓂᖏᒃ ᐅᕝᕙᓘᓐᓃᑦ ᐊᓯᖏᓐᓂᒃ ᖃᓄᐃᓕᐅᕈᑎᖃᕈᕕᑦ ᐅᖃᐅᓯᐅᖏᑦᑐᓂᑦ, ᐃᓱᒫᓗᒋᑦᑕᐃᓕᒍᒃ.

ᐃᓱᒫᓗᒋᒍᕕᒋᑦ ᐊᓱᐃᓪᓛᒃ ᒪᕐᕉᓐᓂᒃ (2) ᓴᖅᑭᖅᑐᖃᕐᓂᐊᖅᑐᖅ; ᐅᖃᐅᓯᐅᖏᑐᒃᑯᑦ ᐊᑐᖅᑕᐃᑦ ᓴᖅᑮᓐᓇᕐᓂᐊᖅᑐᖅ ᐊᒻᒪ ᐊᐅᓚᒐᓱᐊᕐᓗᒍ ᐃᓱᒪᒌᓐᓇᓕᕐᓂᐊᖅᑕᐃᑦ ᐊᑐᕈᓐᓃᕐᓗᒍ ᑐᑭᓕᐅᕈᑎᖓ ᐱᕙᓪᓕᐅᑎᑦᓯᐊᖅᑐᖅ ᐅᖃᖅᑎᒥᑦ.

ᐊᐅᓚᒐᓱᐊᕋᔭᖅᑕᐃᑦ ᑭᓯᐊᓂ ᐱᓗᐊᕆᓕᕈᕕᐅᒃ ᐊᕝᕕᐊᕈᑎᖃᓕᖅᑐᓂ ᑐᓴᐅᒪᑎᑦᓯᔾᔪᑎᐅᓇᓱᐊᖅᑐᒥᑦ. ᐊᒻᒪ ᐊᑦᓱᐊᓘᖅᑐᖃᕐᓂᖅᐸᑦ ᑭᓯᐊᓂ ᐊᕝᕕᐊᕆᓕᕋᔭᖅᑕᐃᑦ. ᓲᕐᓗ, ᓱᒃᑲᓗᐊᕐᓗᑎᑦ ᐅᖃᓕᒪᓕᕐᓂᕈᕕᑦ ᑭᒃᑯᑐᐃᓐᓇᕐᓄᑦ ᑐᑭᓯᐊᔭᐅᔪᓐᓃᕐᓗᑎᑦ ᖃᓄᐃᓕᐅᕋᓗᐊᕐᒪᖔᖅᐱᑦ, ᓱᒃᑲᐃᒋᐊᕐᔫᒥᓕᕋᔭᖅᑯᑎᑦ. ᑭᓯᐊᓂ ᐃᓱᒪᒋᒋᐊᕐᓗᒍ ᖃᓄᑎᒋ ᓱᒃᑲᓕᓪᓗᑎᑦ ᐅᖃᓕᒪᓕᕐᓂᕋᕕᑦ ᑕᐃᒪᐃᒻᒪᕆᓕᖅᑐᑎᑦ!

ᓇᓗᓇᐃᕐᓯᒪᑦᓯᐊᕈᕕᑦ ᐊᒻᒪ ᓱᓕᑦᓯᐊᕐᓗᑎᑦ ᐅᖃᓕᒪᒍᕕᑦ, ᑐᓴᐅᒪᑎᑕᐅᓇᓱᐊᖅᑐᑦ ᖃᐅᔨᔾᔮᖏᑦᑐᑦ ᐅᕝᕙᓘᓐᓃᑦ ᓱᖁᑎᑦᓴᔾᔮᖏᓯᐊᖅᑐᑦ ᐅᖃᐅᓯᐅᖏᑦᑐᓂᒃ ᖃᓄᐃᒍᑎᐅᔪᓂᑦ. ᖃᐅᔨᓂᐊᖅᑐᑎᑦ ᑭᓯᐊᓂ ᐊᓯᑎᑦ ᖃᐅᔨᖏᑐᐃᓐᓇᕆᐊᓖᑦ ᐊᒻᒪ ᖃᐅᔨᒐᓗᐊᕈᑎᑦ, ᖃᓄᐃᖏᓯᐊᖅᑐᖅ. ᐃᒪᐃᓐᓂᐊᕋᕕᑦ “ᐊᖏᓂᕐᓴᓂᑦ ᐃᖃᓗᓐᓂᑦ ᓵᑦᑑᔭᕋᑦᓴᖃᕋᕕᑦ” ᑐᑭᓕᒃ ᐱᒻᒪᕆᐅᓂᕐᓴᓂᑦ ᐱᔭᑦᓴᖃᕋᕕᑦ – ᑐᕌᒐᕆᓇᓱᑐᐃᓐᓇᐸᓪᓗᒋᑦ ᐱᖓᓱᐃᑦ (3) ᐃᓗᐊᓃᑦᑐᑦ ᑐᑭᓕᐅᕈᑎᐅᑉ ᐊᒻᒪ ᐃᓱᒫᓗᒋᖏᓪᓗᒋᑦ ᐊᓯᖏᑦ.

ᐊᓯᖏᓐᓂᑦ ᐱᑕᖃᕐᒥᔪᖅ ᖃᓄᐃᓕᐅᕈᑎᑦᓴᐅᔪᓂᑦ ᐊᑐᕈᒪᖕᖏᓪᓗᓂ ᐱᑦᓯᐊᔾᔮᖏᒋᐊᑦᓴᖅ ᐃᓱᒪᓂᕐᒥᑦ ᐊᒻᒪ ᐃᓱᒫᓗᓐᓂᕐᒥᑦ.

ᓯᕗᓪᓕᖅᐹᖅ ᐊᑐᖅᑕᐅᒋᐊᓕᒃ ᐅᐸᓗᖓᐃᔭᕐᓂᖅ. ᕿᒥᕐᕈᐊᐸᓪᓗᒋᑦ ᑐᓴᐅᒪᑎᑦᓯᓕᕆᓂᕐᒥᑦ ᐅᖃᐅᓯᕆᓂᐊᖅᑕᑎᑦ ᐱᓯᒪᒍᕕᒋᑦ, ᕿᒥᕐᕈᐊᐸᓪᓗᒋᑦ ᐊᑑᑎᖃᖅᑐᑦ ᑎᑎᖅᑲᐃᑦ, ᐊᒻᒪ ᓴᓇᓕᕐᓗᒋᑦ ᐱᖓᓱᑎᑦ (3) ᑐᓴᕋᑦᓴᓪᓗᐊᕆᓂᐊᖅᑕᑎᑦ ᐅᖃᐅᓯᖃᖅᑐᑦ ᖃᓄᐃᓕᐅᕈᑎᐅᔪᒥᑦ, ᐱᔾᔪᑎᒋᔭᖓ ᐊᒻᒪ ᐃᑉᐱᒍᓱᓐᓂᖅ ᐊᓯᐊᑕ ᐃᑉᐱᒋᔭᖏᓐᓂᑦ.

ᐊᒻᒪ ᓂᕆᐅᒋᓗᒋᑦ ᐊᐱᖅᑯᑎᐅᓂᐊᖅᑐᑦ. ᑭᒃᑯᑐᐃᓐᓇᐃᑦ ᐅᖓᑖᓅᕆᕙᒻᒪᑕ ᐱᔭᕆᐊᑐᓂᖏᓐᓂᑦ ᖃᓄᖅ ᓇᓚᐅᑦᑖᕈᑎᒥᓂᒃ ᖃᓄᖅ ᐱᕙᓪᓕᐊᔪᓕᕆᔨ ᐊᐱᖅᑯᑎᖃᕐᓂᐊᕐᒪᖔᖅ. ᐱᓕᕆᖃᑎᒋᕙᓪᓗᒋᑦ ᐃᖅᑲᓇᐃᔭᖃᑎᑎᑦ ᑐᓴᐅᒪᑎᑦᓯᕕᒻᒦᖃᑎᒋᕙᑦᑕᑎᑦ ᐅᕝᕙᓘᓐᓃᑦ ᐃᖅᑲᓇᐃᔭᖃᑎᒋᕙᑦᑕᑎᑦ ᑕᒪᒃᑯᓂᖓᑦᓴᐃᓐᓇᖅ. ᓂᕆᐅᒋᕙᓪᓗᒋᑦ ᐱᔭᕆᐊᑐᓂᖏᑦ ᐊᐱᖅᑯᑎᐅᔪᑦ ᑭᓯᐊᓂᑦᑕᐅᖅ ᐃᑉᐱᒋᕙᓪᓗᒋᑦ ᐱᔭᕆᐊᑭᓐᓂᖏᑦ ᐊᐱᖅᑯᑎᐅᔪᑦ, ᑕᐃᒃᑯᐊ ᐊᐱᖅᑯᑎᖃᖅᐸᑦᑐᑦ ᖃᐅᔨᒪᔭᐅᔪᓂᑦ ᑐᑭᓕᐅᕈᑎᓕᓐᓂᑦ ᐅᕝᕙᓘᓐᓃᑦ ᓇᓗᓇᐃᔭᐃᑎᓕᓐᓂᑦ ᐱᔾᔪᖃᖅᑐᓂᑦ ᐱᔭᕆᐊᑭᑦᑐᑯᓗᓐᓂᑦ ᐃᓱᒪᒋᕙᑦᑕᖏᓐᓂᑦ ᐃᕝᕕᑦ ᐊᑐᐃᓐᓇᐅᖏᓐᓇᐅᔭᕐᓂᖏᓐᓂ. ᓇᓗᓇᐃᕐᓯᒪᑦᓯᐊᖅᑐᒥᑦ ᑭᐅᔪᓐᓇᖏᓐᓂᐅᔪᖅ ᐱᔭᕆᐊᑭᑦᑐᑯᓗᒻᒥᑦ ᐊᐱᖅᑯᑎᒥᑦ ᒥᑭᓪᓕᑎᕆᔪᓐᓇᕐᒪᑕ ᐃᕝᕕᑦ ᐱᔪᓐᓇᓂᕐᓂᒃ ᐅᑉᐱᕈᓲᑎᓐᓂᑦ ᐊᐱᕐᓱᕐᓂᐅᔪᖅ ᓯᕗᒧᐊᑉᐸᓪᓕᐊᓂᖓᓂ.

ᐊᖅᑯᑏᑦ ᖃᐅᔨᒪᒍᑦ – ᓱᓇᓂᑦ ᐅᖃᐅᓯᖃᕈᓐᓇᕐᒪᖔᖅᐱᑦ ᐊᒻᒪ ᓱᓇᓂᑦ ᐅᖃᐅᓯᖃᕈᓐᓇᖏᒻᒪᖔᖅᐱᑦ – ᐊᒻᒪ ᐃᓱᒪᑦᓴᕐᓯᐅᕈᑎᒋᕙᓪᓗᒋᑦ ᖃᓄᖅ ᐅᖃᐅᓯᕆᓂᐊᕐᒪᖔᖅᐱᒋᑦ ᐊᐱᖅᑯᑎᐅᓐᓂᕈᑎᒃ ᐊᒻᒪ ᐅᖃᐅᓯᐅᓐᓂᕈᑎᒃ ᐱᕙᓪᓕᐊᔪᓕᕆᔨᒧᑦ.

ᑭᖑᓪᓕᖅᐹᖅ, ᐃᖃᐃᓕᓴᖅᐸᒋᑦ! ᐃᖃᐃᓕᓴᖅᐸᒋᑦ ᓂᐱᖃᖅᐸᓪᓗᑎᑦ ᐊᐃᑉᐸᖃᕐᓗᑎᑦ ᐱᕙᓪᓕᐊᔪᓕᕆᔨᐅᖑᐊᖅᑐᒥᑦ. ᓯᕗᓂᑦᓯᐊᖓᓂ ᐊᐱᕐᓱᖅᑕᐅᓚᐅᖏᓂᕐᓂ, ᐊᑐᖅᑲᐅᔭᐃᑦ ᐊᑐᒃᑲᓐᓂᕐᓗᒍ ᒪᕐᕉᓐᓂᐅᒐᓗᐊᖅ (2) ᐊᐱᖅᑯᑎᓕᕆᓗᓯ ᐅᐸᓗᖓᐃᔭᐃᑎᒋᓗᒍ. ᐅᖃᓕᒫᕋᓱᑉᐸᖏᓪᓗᑎᑦ ᐅᐸᓗᖓᐃᔭᕐᓯᒪᒌᖅᑐᓂᑦ ᓱᓇᑐᐃᓐᓇᕐᓂᒃ ᐊᒻᒪ ᕿᓂᖅᐸᓪᓗᑎᑦ ᑐᓴᕋᑦᓴᐅᔪᖅ ᐱᓕᕆᐊᕆᔪᓐᓇᕐᓂᕈᕕᐅᒃ ᐃᖃᐃᓕᓴᕐᓗᑎᑦ. ᐃᖃᐃᓕᓴᕈᕕᑦ ᐃᓱᒪᒋᑐᐃᓐᓇᕐᓗᒍ ᓂᐊᖁᓐᓂ ᐅᕝᕙᓘᓐᓃᑦ ᐅᖃᓕᒫᕈᕕᐅᒃ ᐃᓕᓐᓂᒃ ᐃᑲᔫᑎᖃᓗᐊᔾᔮᖏᑦᑐᖅ ᐊᐱᕐᓱᖅᑕᐅᓚᕆᓕᕈᕕᑦ.

ᐱᒻᒪᕆᐅᖃᑕᐅᒻᒥᔪᖅ ᑕᐃᒫᓪᓗᐊᖅ ᐅᐸᓗᖓᐃᔭᕐᓂᖅ ᐊᐱᕐᓱᖅᑕᐅᓂᐊᕐᓂᕐᓄᑦ ᐱᔾᔪᑎᖃᖅᑐᖅ ᖃᓄᖅ ᑕᑯᓐᓇᖅᑕᐅᓂᖏᓐᓂᑦ.

ᐃᓱᒫᓘᑏᑦ, ᑲᑉᐱᐊᓱᓐᓂᕆᔭᐃᑦ ᐊᒻᒪ ᐊᓯᖏᑦ ᐃᓱᒪᒃᑯᑦ ᐃᑉᐱᒋᔭᐅᔪᓐᓇᖅᑐᑦ ᐲᔭᕐᓗᒋᑦ. ᐃᓕᓐᓂᒃ ᐃᖅᑲᐃᑎᑉᐸᓪᓗᑎᑦ ᑕᒪᓐᓇ ᐱᔭᑦᓴᓕᕆᓂᑐᐃᓐᓇᐅᓂᖓᓂᑦ ᑕᐃᒪᐃᑉᐸᒻᒪᑕ ᐊᓯᖏᑦ. ᐅᖃᖃᑎᖃᑐᐃᓐᓇᕆᐊᖃᕋᕕᑦ ᐅᓪᓗᒥ ᑭᓇᑐᐃᓐᓇᕐᒥᑦ ᑐᓴᖅᑎᑦᓯᔪᓐᓇᖅᑐᒥᑦ ᐊᒥᓲᓂᕐᓴᒻᒪᕆᓐᓂᑦ ᑕᐃᒪᐃᒥᒻᒪᑦ ᐱᕙᓪᓕᐊᔪᓕᕆᔨᐅᔪᖅ ᐅᖃᖃᑎᒋᓛᖅᑕᐃᑦ ᖃᐅᑉᐸᑦ. ᖃᓄᑐᐃᓐᓇᖅ ᐃᑉᐱᓐᓇᕋᓗᐊᖅᐸᑦ, ᓄᓇᕐᔪᐊᓕᒫᑦᓯᐊᑦ ᐊᒻᒪ ᐃᑉᐱᒍᓲᑏᑦ ᐃᓕᓐᓂᒃ ᖃᓄᖅ ᐃᑉᐱᒋᔭᐅᖏᒻᒪᑕ – ᐱᔭᑦᓴᓕᕆᔾᔪᑎᑐᐃᓐᓇᓯᐊᕐᒪᑦ ᑕᐃᒪᐃᒃᑯᐊᕇᓐᓄᑦ ᐱᓕᕆᖃᑎᒌᒋᐊᓖᓐᓄᑦ.

ᐅᔾᔨᕈᓱᒋᐊᕐᓯᒪᓗᑎᑦ ᖃᓄᐃᖏᓯᐊᕐᓂᖓᓂᑦ ᖃᐅᔨᒪᖏᒃᑲᓗᐊᕈᕕᐅᒃ ᑭᐅᔾᔪᑎᐅᔪᖅ ᐊᐱᖅᑯᑎᒧᑦ ᐅᕝᕙᓘᓐᓃᑦ ᐅᖃᐅᓯᒃᑯᑦ ᐅᕝᕙᓘᓐᓃᑦ ᐅᖃᐅᓯᐅᖏᑐᒃᑯᑦ ᖃᓄᐃᒍᑎᐅᔪᑦ. ᑭᓇᒧᑦ ᓂᕆᐅᒋᔭᐅᖏᓯᐊᖅᑐᑎᑦ ᐅᕝᕙᓘᓐᓃᑦ ᐃᒪᐃᑦᑑᖁᔭᐅᓇᑎᑦ “ᑐᓴᕋᑦᓴᓕᕆᔾᔪᑎᒍᑦ ᑭᓇᐅᓂᖅ”. ᐃᓱᒪᒋᐊᖃᖏᑦᑐᑎᑦ ᑐᕌᒐᕆᒐᕕᐅᒃ ᐱᓪᓚᕆᖕᖑᐊᕆᐊᖃᕐᓂᐅᔪᖅ. ᑐᕌᒐᕆᔭᐃᑦ ᑐᓴᐅᒪᑎᑦᓯᓕᕆᓂᖅ ᐊᒻᒪ ᐱᖕᖑᐊᕈᑎᑐᐃᓐᓇᐃᑦ ᐊᕝᕕᐊᕈᑎᖃᒐᔪᒻᒪᑕ ᑲᔪᓯᑦᓯᐊᕈᓐᓇᖅᑐᒥᑦ ᑐᓴᐅᒪᑎᑦᓯᓂᐅᔪᓐᓇᖅᑐᒥᑦ.

ᑭᖑᓪᓕᖅᐹᖅ, ᐊᓂᖅᑎᕆᓗᑎᑦ. ᓴᒃᑲᐃᑦᑐᒥᑦ, ᐃᓗᒻᒧᑦ ᐊᓂᖅᑎᕆᕙᓪᓗᑎᑦ ᐊᐱᕐᓱᖅᑕᐅᓚᐅᖏᓂᕐᓂ ᐃᑲᔫᑎᖃᕈᓐᓇᖅᑐᖅ ᒥᑭᓪᓕᑎᕆᓂᒃᑯᑦ ᐃᓱᒫᓘᑎᓐᓂᒃ ᐊᒻᒪ ᑎᒥᓐᓄᑦ ᖃᓱᓴᐅᑎᒋᓗᒍ, ᐊᒻᒪ ᓄᖅᑲᑲᐃᓐᓇᐸᓪᓗᑎᑦ ᑭᐅᓚᐅᖏᓂᕐᓂ.

ᐃᓘᓐᓇᑎᒃ ᐱᓕᕆᔾᔪᑎᐅᔪᑦ ᑎᑎᕋᕐᓯᒪᔪᑦ ᐅᕙᓂ ᐅᖃᓕᒫᒐᕐᒥ ᐃᓕᓐᓂᐊᕈᑎᒥ ᐃᑲᔫᑎᖃᕈᓐᓇᖅᑐᑦ “ᐊᑦᓯᓪᓕᒋᐊᕐᓂᒃᑯᑦ ᐆᓇᕐᓂᐅᔪᒥᑦ” ᑐᕌᒐᖃᕈᓐᓇᖁᓪᓗᑎᑦ ᐱᖓᓱᓄᑦ (3) ᐱᒻᒪᕆᐅᔪᓂᑦ ᑲᔪᓯᑦᓯᐊᕈᑎᑦᓴᓐᓂᑦ ᐅᕙᒍᑦ ᑐᑭᓕᐅᕈᑎᖏᓐᓃᑦᑐᓂᑦ ᐱᕙᓪᓕᐊᑎᑦᓯᐊᖁᓪᓗᑎᒃ ᐅᖃᖅᑎᐅᓂᒃᑯᑦ.