ᑎᑎᕋᖅᓯᒪᔪᑦ

ᐊᑐᐊᒐᐃᑦ ᐊᒻᒪ ᐱᓕᕆᔾᔪᑏᑦ

ᑭᒃᑯᑐᐃᓐᓇᕐᓄᑦ, ᑮᓇᐅᔭᓕᐅᖅᑎᐅᖏᑦᑐᑦ ᐊᒻᒪ ᓇᒻᒥᓂᖃᖅᑎᐅᔪᑦ ᑲᑐᔾᔨᖃᑎᒌᑦ ᑐᓴᐅᒪᐅᑎᓕᕆᔾᔪᑎᓂᑦ ᐱᖃᖅᐸᑦᑐᑦ ᐊᒻᒪ ᑐᓴᐅᒪᐅᑎᓕᕆᓂᕐᒨᖓᔪᓂᑦ ᐊᑐᐊᒐᖃᖅᐸᑦᑐᑎᒃ ᐋᖅᑭᑦᓱᐃᔾᔪᑎᐅᔪᓂᑦ ᒪᓕᒐᖏᓐᓂᑦ, ᐊᑑᑎᖏᓐᓂᑦ ᐊᒻᒪ ᐱᓕᕆᔾᔪᑎᖏᓐᓂᑦ ᐅᖃᖅᑎᐅᕙᑦᑐᑦ.


ᐃᓗᓕᖃᖅᐸᒻᒥᔪᑦ ᐃᓗᐊᓃᒐᔪᑦᑐᓂᑦ ᐊᑐᐊᒐᓕᐊᖑᕙᑦᑐᑦ.


ᓯᕗᓪᓕᖅ ᖃᐅᔨᒪᑦᓯᐊᕐᓂᖅ ᑐᓴᐅᒪᑎᑦᓯᓂᖅ ᐃᓘᓐᓇᑕ ᐱᓕᕆᐊᕆᒻᒪᒍ, ᑕᐃᒃᑯᑑᖏᓯᐊᖅᑐᑦ ᐱᓕᕆᔨᐅᕙᑦᑐᑦ ᐱᓕᕆᕝᕕᓐᓂ ᑕᐃᔭᐅᔪᓂ ᑐᓴᐅᒪᐅᑎᓕᕆᓂᖅ, ᑐᓴᐅᒪᐅᑎᓕᕆᔾᔪᑎᓂᑦ ᐱᓕᕆᔾᔪᑏᑦ, ᓂᐅᕐᕈᑎᓕᕆᓂᖅ ᐅᕝᕙᓘᓐᓂᑦ ᑭᒃᑯᑐᐃᓐᓇᕐᓂᑦ ᐱᓕᕆᔾᔪᑎᓕᕆᓂᖅ.


ᖃᐅᔨᒪᖏᒃᑲᓗᐊᕈᑎᒃ ᖃᐅᔨᒪᒐᓗᐊᕈᑎᓪᓘᓐᓃᑦ, ᐃᓘᓐᓇᑎᒃ ᐃᓚᒋᔭᐅᔪᑦ ᑲᑐᔾᔨᖃᑎᒌᓄᑦ ᑐᓴᐅᒪᑎᑦᓯᔨᒻᒪᕆᐅᔪᑦ – ᓯᕗᓕᖅᑎᐅᓂᕐᒥᓂᒃ ᐱᔾᔪᑎᓂᑦ ᐅᖃᐅᓯᖃᖅᑎᐅᔪᓄᑦ ᓯᕗᓪᓕᖅᐹᓄᑦ ᑕᑯᔭᐅᕙᑦᑐᓄᑦ. ᑐᓴᐅᒪᖃᑎᖃᖅᐸᒻᒪᑕ ᐊᓯᒥᓂᒃ ᐃᓗᐊᓃᑦᑐᓂᑦ ᐊᒻᒪ ᓯᓚᑖᓃᑦᑐᓂᑦ ᑲᑐᔾᔨᖃᑎᒌᑉ. ᐅᖃᐅᓯᖃᖅᐸᑦᑐᑦ ᐃᖅᑲᓇᐃᔮᒥᓂᒃ. ᑕᑯᔪᓐᓇᐸᒻᒥᔪᑦ ᐱᔾᔪᑎᐅᔪᓂᑦ ᐱᕙᓪᓕᐊᔪᓂᑦ ᐅᕝᕙᓘᓐᓃᑦ ᐊᑐᕋᑦᓴᓂᑦ ᑐᓴᕋᑦᓴᒥᓂᒃ ᐅᖃᐅᓯᖃᕈᓐᓇᕋᐃᒐᒥᒃ. ᖃᐅᔨᒪᔨᑕᐅᕙᑦᑐᑦ ᑲᑐᔾᔨᖃᑎᒌᖏᑦ ᐊᑦᓱᕉᑎᖃᓕᕋᐅᒻᒪᑕ ᑐᓴᐅᒪᐅᑎᓕᕆᓂᒃᑯᑦ ᐅᕝᕙᓘᓐᓃᑦ ᑐᓴᐅᒪᑎᑦᓯᓕᕆᔾᔪᑎᒍᑦ ᐊᑦᓱᕉᑎᖃᓕᕋᐃᒻᒪᑕ.


ᑲᑐᔾᔨᖃᑎᒌᖑᔪᖅ ᑲᔪᓯᓂᐊᕈᓂ, ᑕᒪᒃᑯᐊᓕᒫᑦᓯᐊᑦ ᓂᐱᐅᔪᑦ ᐊᔾᔨᒌᑉᐸᒋᐊᓕᐅᔪᑦ ᐊᒻᒪ ᓱᓕᕙᓪᓗᑎᒃ. ᐃᓘᓐᓇᑎᒃ ᐱᓕᕆᖃᑎᒌᖃᑦᑕᕆᐊᓕᐅᔪᑦ ᑲᑐᔾᔨᖃᑎᖃᖅᐸᓪᓗᑎᒃ ᑐᓴᐅᒪᐅᑎᓕᕆᓂᕐᒥᑦ ᐱᓕᕆᔨᐅᔪᓂᑦ, ᐱᓕᕆᐊᑦᓴᒥᑦ ᐱᒋᐊᓕᕋᑖᖅᑎᓪᓗᒋᑦ ᐃᓯᖅᑎᐸᓪᓗᒋᑦ ᕿᓚᒥᐅᔫᒥᔪᖅ. ᐱᓕᕆᖃᑕᐅᑦᓴᐅᑎᒋᑎᓪᓗᒋᑦ, ᑲᔪᓯᑦᓯᐊᓂᕐᓴᐅᔪᓐᓇᕐᒪᑕ.


ᑐᓴᐅᒪᑎᑦᓯᓂᕐᒥᑦ ᐊᐅᓚᑦᓯᔾᔪᑎᐅᔪᖅ ᓇᓗᓇᐃᔭᐃᑎᓪᓗᐊᑕᐅᒻᒪᑦ ᑲᔪᓯᑦᓯᐊᓂᕐᒥᑦ ᐊᒻᒪ ᐊᓂᕐᓴᒻᒪᕆᐅᓗᓂ ᑕᐃᒃᑯᓂᖓ ᐊᑎᖏᓐᓂᑦ ᐱᓯᒪᑦᓯᔪᓂᑦ.


ᐊᓯᖏᑦ ᐃᓘᓐᓇᐸᓗᖏᓐᓄᑦ ᐊᑐᐊᒐᕐᓃᒐᔪᑉᐸᑦᑐᑦ ᑕᐃᒃᑯᐊ ᐊᑦᑐᐊᓂᖃᓪᓗᐊᖅᑐᑦ ᑐᓴᐅᒪᑎᑦᓯᓕᕆᔾᔪᑎᓄᑦ ᐊᒻᒪ ᑐᓴᐅᒪᔭᐅᒋᐊᓕᓐᓂᑦ ᐅᖃᖅᑎᓄᑦ.


ᑭᒃᑯᑐᐃᓐᓇᕐᓂᑦ ᐱᔨᑦᓯᕋᖅᑎᐅᔪᓄᑦ, ᐅᖃᖅᑏᑦ ᓇᓗᓇᐃᕐᓯᒪᑦᓯᐊᕆᐊᓕᐅᔪᑦ, ᐅᖃᐅᓯᖃᖅᐸᓪᓗᑎᒃ ᐊᑐᖅᑕᐅᓯᒪᔪᓂᑦ ᐊᒻᒪ ᑐᕌᒐᓪᓗᐊᕐᓗᑎᒃ ᐅᖃᐅᓯᕐᒥᓂᒃ. ᓇᓪᓕᐊᓐᓂᒃ ᑕᐱᕐᓱᕆᐊᖃᖏᓯᐊᖅᑐᑦ ᐊᒻᒪ ᑭᒃᑯᑐᐃᓐᓇᐃᑦ ᐊᐃᕙᐅᑎᔾᔪᑎᖏᓐᓄᑦ ᐃᓚᓕᐅᑎᕙᖏᓪᓗᑎᒃ ᐱᔾᔪᑎᓕᓐᓂᑦ ᒐᕙᒪᒃᑯᓐᓄᑦ ᐊᑐᐊᒐᓕᕆᔪᒥᑦ. ᐃᒪᐃᒋᐊᖃᖅᐸᒻᒥᔪᑦ “ᐊᖅᑯᑎᒥᓃᖏᓐᓇᕐᓗᑎᒃ” ᐅᖃᐅᓯᖃᖏᓪᓗᑎᒃ ᓱᓇᑐᐃᓐᓇᕐᓂᒃ ᓯᓚᑖᓃᑦᑐᓂᑦ ᖃᐅᔨᒪᔭᖏᑕ ᐊᒻᒪ ᐃᑉᐱᒋᔭᒐᖏᑕ. ᐅᖃᓕᒪᐅᓯᕋᕆᐊᓖᑦ ᐅᖃᐅᓯᐅᔪᓂᑦ ᐊᒻᒪ ᑭᓇᐅᓂᕐᒥᓂᒃ ᓱᓇᐅᓂᕐᒥᓂᒃ ᐅᖃᐅᓯᖃᑦᓯᐊᐸᓪᓗᑎᒃ.


ᑕᒪᒃᑯᐊᑦᑕᐅᖅ ᐱᓕᕆᔾᔪᑎᑦᓯᐊᕙᐅᒻᒥᔪᑦ ᑮᓇᐅᔭᓕᐅᖅᑎᐅᖏᑦᑐᓄᑦ ᐊᒻᒪ ᓇᖕᒥᓂᖃᖅᑎᓄᑦ ᑲᑐᔾᔨᖃᑎᒌᓄᑦ, ᐊᒻᒪ ᓇᖕᒥᓂᖃᖅᑎᐅᔪᓄᑦ ᐱᓕᕆᐊᖃᖅᐸᑦᑐᓄᑦ ᑐᓴᐅᒪᐅᑎᓕᕆᔾᔪᑎᓂᑦ. ᐱᑐᐃᓐᓇᐅᖏᔾᔪᑎᖓ ᑕᒪᒃᑯᐊ ᓯᕐᓈᖅᑎᐅᒍᑎᒃ ᐅᕝᕙᓘᓐᓃᑦ ᐱᓇᓱᐊᖅᑎᐅᒍᑎᒃ ᐊᔪᐃᓇᓂᒃᑯᑦ ᐊᑦᑐᐊᓂᖃᖅᑐᓂᑦ ᑭᒃᑯᑐᐃᓐᓇᕐᓄᑦ ᐊᑐᐊᒐᓂᑦ ᐅᕝᕙᓘᓐᓃᑦ ᒐᕙᒪᓕᕆᔾᔪᑎᓂᑦ. ᑐᕌᒐᕆᔭᐅᔪᖅ ᑕᐱᕐᓱᕆᐊᖃᖏᓐᓂᐅᔪᖅ ᐊᑐᖅᑕᐅᒋᐊᑐᒐᔭᖕᖏᑦᑐᖅ.


ᐃᓘᓐᓇᑎᒃ ᑲᑐᔾᔨᖃᑎᒌᖑᔪᑦ ᐃᓘᓐᓇᖏᓐᓂ ᐱᓕᕆᔨᓂᑦ ᐃᑉᐱᒍᓲᑎᖃᖅᐸᒋᐊᓖᑦ ᑲᓇᑕᐅᑉ ᐊᒻᒪ ᓄᓇᓕᖃᕐᕕᐅᔪᑦ ᐃᖕᒥᓂᕐᓱᕈᓐᓇᓂᕐᒥᑦ ᒪᓕᒐᕐᓂᑦ ᐊᒻᒪ ᐅᖃᐅᓯᖃᖅᐸᖏᓪᓗᑎᒃ ᓱᓇᑐᐃᓐᓇᕐᓂᒃ ᐃᖅᑲᖅᑐᐃᕕᒃᑰᕈᑎᐅᔪᓂᑦ. ᐊᑐᑦᑕᐃᓕᒪᒋᐊᖃᕐᒥᔪᑦ ᖃᓄᑐᐃᓐᓇᖅ ᐊᑭᓖᑎᑕᐅᓇᔭᓐᓂᕐᒥᑦ ᐊᒻᒪ ᐅᖃᐅᓯᖃᑲᒻᒪᑦᑐᒥᓂᐅᓂᕐᒥᑦ ᑭᓇᑐᐃᓐᓇᕐᒥᑦ.


ᐊᒥᓱᐊᓗᐃᑦ ᐊᑐᐊᒐᐃᑦ ᐱᑕᖃᐅᕐᒪᑕ ᑐᓴᐅᒪᐅᑎᓕᕆᔾᔪᑎᓂᑦ ᐱᔾᔪᑎᖃᖅᑐᑦ ᐊᑑᑎᖏᓐᓂᑦ ᐊᒻᒪ ᐃᑉᐱᒋᔭᒐᖏᓐᓂᑦ ᐊᔾᔨᒌᖏᑦᑐᓄᑦ ᑭᒃᑯᑐᐃᓐᓇᕐᓄᑦ ᑲᑐᔾᔨᖃᑎᒌᑉ ᐃᓗᐊᓂ, ᐊᒻᒪᑦᑕᐅᖅ ᐅᐸᓗᖓᐃᔭᐅᑎᑦ ᖃᓄᖅ ᑐᓴᐅᒪᐅᑎᓕᕆᔾᔪᑎᒍᑦ ᐅᖄᓚᔾᔪᑎᐅᔪᑦ ᐅᕝᕙᓘᓐᓃᑦ ᐃᕐᖐᓇᖅᑕᐅᑎᒃᑯᑦ ᑎᑎᖅᑲᐅᓯᐊᒥᓃᑦ.


ᐊᑲᐅᓂᕐᓴᐅᓂᐊᖅᑐᖅ ᑐᑭᓯᐅᒪᒍᕕᒋᑦ ᑐᓴᐅᒪᐅᑎᑦᓯᔾᔪᑎᐅᔪᑦ ᐊᒻᒪ ᑐᓴᐅᒪᐅᑎᓕᕆᔾᔪᑎᐅᔪᑦ ᐊᑐᐊᒐᐃᑦ ᐊᑐᖅᑕᐅᕙᑦᑐᑦ ᑲᑐᔾᔨᖃᑎᒌᑦᓯᓐᓂ. ᐃᑲᔫᑎᖃᕐᓂᐊᖅᑐᑦ ᐃᓕᓐᓂᒃ ᖃᐅᔨᒪᓂᒃᑯᑦ ᖃᓄᐃᓕᐅᖅᑐᖃᓕᕐᒪᖔ; ᓇᓗᓇᐃᔭᐃᑎᐅᓂᐊᕆᓪᓗᑎᒃ ᐃᓚᒋᔭᐅᓂᕐᓄᑦ ᖃᓄᑐᐃᓐᓇᑦᓯᐊᖅ ᐃᓕᖅᑯᓯᓕᕆᔾᔪᑎᖏᒍᑦ ᑐᓴᐅᒪᐅᑎᓕᕆᓂᕐᒥᑦ ᐃᑲᔫᑎᖃᖅᐸᑦᑐᓂᑦ ᑲᑐᔾᔨᖃᑎᒌᖑᔪᑦ ᑐᕌᒐᕆᔭᒥᓄᑦ ᑎᑭᒍᓐᓇᓂᒃᑯᑦ.

Last modified: Wednesday, 30 October 2024, 1:30 PM