ᑎᑎᕋᖅᓯᒪᔪᑦ

ᑐᑭᓕᐅᕈᑎᖓ ᐱᕙᓪᓕᐅᑎᑦᓯᐊᖅᑐᖅ ᐅᖃᖅᑎ

ᐅᓇ ᐃᓕᓐᓂᐊᕈᑎ ᖃᐅᔨᓴᖅᑐᖅ ᐅᕙᒍᑦ ᑐᑭᓕᐅᕈᑎᒋᓯᒪᔭᖏᓐᓂᑦ ᐱᕙᓪᓕᐅᑎᔪᓐᓇᓯᐊᖅᑐᒥᑦ ᐅᖃᖅᑎᒥᑦ, ᐃᒪᐃᑦᑑᓗᓂ:


  • ᐊᑐᖅᐸᓐᓂᖅ ᑐᑭᓯᓇᑦᓯᐊᖅᑐᒥᑦ ᐅᖃᐅᓯᕐᒥᑦ
  • ᐅᖃᖅᑎ ᐅᖃᐅᓯᖃᖅᐸᑦᑐᖅ ᑐᓴᕋᑦᓴᖏᓐᓂᑦ
  • ᑐᕌᒐᖃᖅᑐᑎᓪᓗ ᐊᐱᖅᑯᑎᐅᔪᒥᑦ

ᓯᕗᓪᓕᖅᐹᖓ ᑐᑭᓕᐅᕈᑎᐅᑉ, ᑐᑭᓯᓇᑦᓯᐊᖅᑐᒥᑦ ᐅᖃᐅᓯᖅ, ᐱᒻᒪᕆᐊᓘᔪᖅ ᑲᔪᓯᑦᓯᐊᖁᓪᓗᒋᑦ ᑐᓴᐅᒪᐅᑎᓕᕆᔾᔪᑎᐅᔪᑦ. ᑭᖑᕝᕖᓂᑐᐃᓐᓇᐅᖏᑦᑐᖅ ᐅᖃᐅᓯᕐᓂᒃ ᑐᑭᓯᔭᐅᔪᓐᓇᖏᑦᑐᓂᑦ ᐅᖃᐅᓯᕐᓄᑦ ᑐᑭᓯᔭᐅᔪᓐᓇᖅᑐᓄᑦ. ᐅᓇ ᐃᓕᓐᓂᐊᕈᑎ ᑕᑯᒋᐊᖅᑎᑦᓯᓂᐊᖅᑐᖅ ᖃᓄᖅ ᐊᑐᖅᑕᐅᓲᖑᒻᒪᖔᑕ ᑐᑭᓯᓇᖅᑐᑦ ᐅᖃᐅᓰᑦ ᐱᓕᕆᔾᔪᑎᖏᓐᓂᑦ ᑐᓴᐅᒪᑎᑦᓯᓕᕆᓂᕐᒥᑦ ᐱᓕᕆᔾᔪᑎᖏᓐᓂᑦ.


ᑐᓪᓕᐊ ᐃᓚᖓ, ᐅᖃᐅᓯᖃᕐᓂᖅ ᑐᓴᕋᑦᓴᓂᑦ, ᐱᒻᒪᕆᐊᓘᒋᕗᖅ. ᑭᓯᐊᓂ ᐅᒡᒍᐊᓇᖅᑐᖅ, ᐅᖃᐅᓯᖅ “ᑐᓴᕋᑦᓴᑦ” ᐊᔾᔨᖃᓕᖅᑎᑕᐅᓯᒪᔪᖅ ᑭᓪᓕᓕᓐᓂᑦ ᐅᖃᐅᑎᑦᓴᓂᑦ ᑭᒃᑯᑐᐃᓐᓇᕐᓄᑦ ᐅᖃᐅᓯᐅᓯᒪᒌᖅᑐᓂᑦ, ᐃᑉᐱᒋᓇᒍ ᐊᐱᖅᑯᑎᐅᔪᖅ. ᐊᑐᕋᐃᒐᑦᑎᒍ ᐅᖃᐅᓯᖅ ᑐᓴᕋᑦᓴᑦ ᐅᕙᓂ ᐃᓕᓐᓂᐊᕈᑎᒥ, ᐅᖃᐅᓯᖃᖅᐸᑦᑐᒍᑦ ᐃᓱᒪᓕᐅᕆᔾᔪᑎᓂᑦ ᐅᕝᕙᓘᓐᓃᑦ ᖃᓄᐃᑦᑐᑐᐃᓐᓇᕐᓂᑦ ᐃᓱᒪᒋᔭᐅᔪᓂᑦ ᑐᕌᒐᐅᔪᓂᑦ.


ᐱᖓᔪᐊᑦ ᐱᔾᔪᑎᖃᖅᑐᖅ ᑐᕌᒐᕆᓪᓗᒍ ᐅᖃᐅᓯᖃᕐᓂᖅ ᐊᐱᖅᑯᑎᒥᑦ ᐊᐱᖅᑯᑎᐅᓯᒪᔪᒥᑦ. ᑕᒪᐅᓇ ᑐᑭᖃᖏᑦᑐᖅ ᑭᐅᓂᖅ ᑕᐃᑦᓱᒥᖓ ᐊᐱᖅᑯᑎᒥᑦ ᐅᐱᓐᓇᕋᓂ ᐊᒥᓱᐊᓘᔪᑦ ᓱᓕᔪᑦ ᐱᔾᔪᑎᐅᔪᓐᓇᖅᑐᑦ ᖃᓄᐃᒻᒪᑦ ᑭᐅᔪᓐᓇᖏᒻᒪᖔᖅᐱᐅᒃ. ᑭᓯᐊᓂᓕ, ᑐᑭᖃᖅᑐᖅ ᐊᐱᖅᑯᑎᐅᔪᖅ ᑕᑯᓐᓇᕆᐊᖃᕋᑦᑎᒍ ᑕᕝᕗᖓᓪᓗᐊᖅ. ᐅᕘᓇ ᐃᓕᓐᓂᐊᕈᑎᒍᑦ ᐅᖃᐅᓯᖃᕐᓂᐊᖅᑐᖅ ᖃᓄᖅ ᑕᐃᒪᐃᓕᐅᕈᓐᓇᓂᐊᕐᒪᖔᖅᐱᑦ.


ᑖᒃᑯᐊ ᐱᖓᓱᐃᑦ ᐊᑐᑦᓯᐊᕈᕕᒋᑦ – ᐊᑐᖅᐸᓐᓂᖅ ᑐᑭᓯᓇᑦᓯᐊᖅᑐᓂᑦ ᐅᖃᐅᓯᕐᓂᑦ, ᑐᓴᖅᑎᑦᓯᓂᖅ ᑐᓴᕋᑦᓴᓂᑦ ᐊᒻᒪ ᑐᕌᓪᓗᐊᖅᑐᒍ ᐅᖃᐅᓯᖃᕐᓂᖅ ᐊᐱᖅᑯᑎᒥᑦ – ᑲᔪᓯᑦᓯᐊᕈᓐᓇᖅᑰᖅᑐᑎᑦ ᑐᓴᐅᒪᑎᑦᓯᓕᓂᕐᒥᑦ ᐱᓕᕆᔾᔪᑎᒃᑯᑦ. ᐊᓯᖏᑦ ᐱᔾᔪᑎᑦᓴᑦ, ᓲᕐᓗ ᖃᓄᖅ ᑕᐅᑦᓱᖃᕐᓂᕐᓂᒃ ᐅᕝᕙᓘᓐᓃᑦ ᐅᖃᕋᔪᒃᑯᕕᑦ “ᐋᒻ” ᐅᕝᕙᓘᓐᓃᑦ “ᐋ” ᐊᒥᓱᐊᖅᑎᖅᑐᑎᑦ, ᖃᓄᐃᖏᑦᑐᖅ.


ᐃᒫᒃ ᐅᖃᕐᓗᓂ, ᐅᓇ ᐃᓕᓐᓂᐊᕈᑎ ᐱᔾᔪᑎᖃᖅᑐᖅ ᓱᓕᕆᓂᕐᒥᑦ ᐊᒻᒪ ᑕᑎᒋᔭᐅᓇᓱᓐᓂᕐᒥᑦ ᐊᒻᒪ ᐃᑲᔪᕐᓱᐃᔾᔪᑎᒋᕙᓪᓗᒍ ᑭᖕᖒᒪᔭᓐᓂᒃ ᑐᓴᖅᑎᒋᐊᖃᒻᒪᕆᑦᑕᓂᑦ ᐃᕝᕕᑦ.

Last modified: Wednesday, 30 October 2024, 1:10 PM